دوست ممالک سے امداد نہیں ، فنی معاونت اور مہارت چاہیے : شہباز شریف

دوست ممالک سے امداد نہیں ، فنی معاونت اور مہارت چاہیے : شہباز شریف

  



لاہور(آئی این پی )وزیراعلی پنجاب شہبازشریف نے کہا ہے کہ چیلنجز کے باوجودملک ترقی وخوشحالی کے سفرپر گامزن ہوا،عوامی خدمت اورفلاح عامہ کے منصوبوں کوریکارڈمدت میں مکمل کیا، خود انحصاری سے ہی پاکستان اپنی عزت کرا سکتا ہے،قرضے لینے سے یا مانگنے سے عزت نہیں ہوتی، دوست ممالک سے ہمیں فنی معاونت اور مہارت چاہئے،امداد نہیں،مشترکہ فیصلوں سے دہشتگردی کیخلاف جنگ میں کامیابیاں ملیں ۔ تفصیلات کے مطابق وزیراعلی پنجاب شہبازشریف سے کویت، تاجکستان ، آذربائیجان،بیلا روس،مصر،ماریشس،نائیجیریا،سوڈان، تیونس کے سفیروں،ہائی کمشنر سری لنکا،آسٹریلیاکے ڈپٹی ہائی کمشنر ، لیبیا ، یوکرین کے سفارتکار ،ترکی،امریکاکے قونصل جنرلز نے ملاقات کی جس میں بین الاقوامی امورسے متعلق بات چیت ہوئی اس کے علاوہ بیت المقدس کے معاملے پراقوام متحدہ میں امریکاکیخلاف فیصلے پربھی تبادلہ خیال کیا گیا،اس موقع پر تاجک سفیر نے وزیراعلی پنجاب کی لیڈرشپ کو خراج تحسین پیش کرتے ہوئے کہا کہ لوڈشیڈنگ کاخاتمہ شہبازشریف کاشاندارکارنامہ ہے،جبکہ آذربائیجان کے سفیر نے کہا کہ شہبازشریف نے عوامی سہولیات کیلئے محنت سے کام کیا،سری لنکن ہائی کمشنر کا کہناتھا کہ تعلیم،صحت، انفراسٹرکچرکے شعبوں میں انقلابی اقدامات کئے گئے،ڈپٹی ہائی کمشنر آسٹریلیا نے کہا کہ پنجاب نے شہبازشریف کی قیادت میں کامیابیاں حاصل کیں،ترک قونصل جنرل نے کہا کہ پنجاب کی ترقی شہبازشریف کی قیادت کی مرہون منت ہے،جبکہ چینی سفارتکار نے کہا کہ شہبازشریف نے تیزرفتاری سے منصوبے مکمل کئے ، وزیراعلی شہبازشریف نے کہا کہ چیلنجز کے باوجودملک ترقی وخوشحالی کے سفرپر گامزن ہوا،عوام کی خدمت اورفلاح عامہ کے منصوبوں کوریکارڈمدت میں مکمل کیا۔انہوں نے کہا کہ خود انحصاری کے ذریعے ہی پاکستان اپنی عزت کرا سکتا ہے،قرضے لینے سے یا مانگنے سے عزت نہیں ہوتی۔

شہبازشریف

مزید : صفحہ اول


loading...