دنیا بھرمیں ڈیڑھ کھرب ڈالر کا لین دین اسلامی بینکنگ سے وابستہ: ڈاکٹر اسحاق

دنیا بھرمیں ڈیڑھ کھرب ڈالر کا لین دین اسلامی بینکنگ سے وابستہ: ڈاکٹر اسحاق

  



اسلام آباد (مانیٹرنگ ڈیسک )دنیا بھر میں ڈیڑھ کھرب ڈالر کا کاروباری لین دین اسلامی بینکنگ سے وابستہ ہو گیا ہے جبکہ مغرب اور آسٹریلیا میں اسلامی بینکنگ سسٹم تیزی سے فروغ پا رہا ہے۔میلبورن یونیورسٹی کے ماہر معاشیات ڈاکٹر محمد اسحاق بھٹی نے مقامی جامعہ میں تقریب کے دوران بتایا کہ بین الاقوامی سطح پر اسلامک بینکنگ پروگرامز پوری دنیا میں اپنا حلقہ اثر تیزی سے بڑھا رہے ہیں،آئندہ 10 برسوں میں مسلمانوں کی آبادی میں 35 فیصد اضافہ ہوجائے گا جبکہ آئندہ دو دہائیوں کے دوران دنیا کی 26 فیصد آبادی مسلمانوں پر مشتمل ہوگی لہٰذا اگر مسلم ممالک میں اسلا مک بینکنگ سسٹم کو موثر انداز سے فروغ دیا جائے تو کوئی وجہ نہیں کہ پوری دنیا کی معیشت کو اسلامی طرز پر استوار نہ کیا جا سکے۔ پاکستان میں اسلامی بینکنگ سسٹم کے فروغ کے وسیع امکانات موجود ہیں۔ انہوں نے ایوان صنعت و تجارت کی قیادت پر زور دیا کہ یونیورسٹی میں زیرتعلیم طالبات کی کیمپس میں نقل و حمل اور ان کی صحت و تندرستی یقینی بنانے کیلئے کم و بیش ایک ہزار سائیکلوں کی فراہمی پر سرمایہ کاری کی جائے۔

مزید : علاقائی


loading...