حکومت کی کسان دوست پالیسیوں سے کپاس ، چاول ، گندم کی ریکارڈ پیداوار ہوئی ہے ، محکمہ زراعت پنجاب

حکومت کی کسان دوست پالیسیوں سے کپاس ، چاول ، گندم کی ریکارڈ پیداوار ہوئی ہے ، ...

  

راولپنڈی (این این آئی) محکمہ زراعت پنجاب نے کہا ہے کہ حکومت کی کسان دوست پالیسیوں ،کاشتکاروں کی محنت سے کپاس ، چاول ، گندم کی ریکارڈ پیداوار حاصل ہوئی ہے ، زراعت پر فوکس کرنے سے زرعی خود کفالت حاصل کرنے سمیت دیہی معیشت میں زبردست بہتری آرہی ہے ۔ایک بیان میں ترجمان نے بتایاکہ حکومت نے آلو کے کاشتکار وں کو پیداوار کا بہتر معاوضہ دلا نے کیلئے اقدامات جاری ہیں۔ انہوں نے کہا کہ وزیر اعلیٰ پنجاب صوبے کی زرعی ترقی میں ذاتی دلچسپی لے رہے ہیں اور انہوں نے جعلی بیج، ادویات اور کھادوں کے قلع قمع کیلئے مؤثر حکمت عملی اپنانے کی خصو صی ہدایت بھی کی ہے نیز جعلی بیج اور ادویات فروخت کر نے والوں کی سزاؤں میں اضافہ کیا جارہا ہے اور چیکنگ کو مؤثر بنایاگیا ہے ۔انہوں نے زرعی تحقیقی اداروں پر زور دیا کہ وہ تحقیق کے کام کو مزید بہتر کریں تاکہ کسانوں کو معیاری بیج کی فراہمی کے ساتھ ساتھ نئی اقسا م بھی فراہم کی جا سکیں ۔

مزید :

کامرس -