سیف گیمز میں گولڈ میڈل،وزیراعظم کا قومی ہاکی ٹیم کیلئے انعام کا اعلان

سیف گیمز میں گولڈ میڈل،وزیراعظم کا قومی ہاکی ٹیم کیلئے انعام کا اعلان

  

اسلام آباد( اے این این )سیف گیمز میں گولڈ میڈل حاصل کرنے والی قومی ہاکی ٹیم کی وزیر اعظم نواز شریف سے ملاقات ،وزیر اعظم نواز شریف نے ایونٹ میں شاندار پرفارمنس دکھانے پر ہر کھلاڑی کیلئے 10،دس لاکھ روپے کا اعلان کر دیا۔ سیف گیمز میں طلائی تمغہ حاصل کرنے والی قومی ہاکی ٹیم نے گزشتہ روز وزیر اعظم نواز شریف سے ملاقات کی ، وزیر اعظم نواز شریف نے کھلاڑیوں کو ایونٹ میں شاندار کامیابی حاصل کرنے پر مبارک باد دی ۔ اس موقع پر وزیر اعظم نواز شریف کا کہنا تھا کہ قومی ہاکی ٹیم عظمت رفتہ کی بحالی کیلئے سخت محنت کرے ۔وزیر اعظم نے کہا کہ انہیں قومی ہاکی ٹیم کے تمام کھلاڑیوں کی صلاحیتوں پر یقین ہے، وزیر اعظم نواز شریف نے قومی کھیل کی بحالی کیلئے مکمل تعاون کی یقین دہانی بھی کرائی ۔ وزیر اعظم کا قومی ہاکی ٹیم کے ہر کھلاڑی کو 10 ، 10لاکھ روپے انعام دینے کا اعلان بھی کیا ۔یاد رہے کہ قومی ہاکی ٹیم نے گوہاٹی میں ہونے والے سیف گیمز میں بھارت کو فائنل میں زیر کیا تھا ۔

انعام کا اعلان

مزید :

راولپنڈی صفحہ آخر -