اسلام آبادایئرپورٹ پر پائلٹ کی حاضر دماغی نے طیارے کو حادثے سے بال بال بچا لیا

اسلام آبادایئرپورٹ پر پائلٹ کی حاضر دماغی نے طیارے کو حادثے سے بال بال بچا ...
اسلام آبادایئرپورٹ پر پائلٹ کی حاضر دماغی نے طیارے کو حادثے سے بال بال بچا لیا

  


اسلام آباد(ڈیلی پاکستان آن لائن) پی آئی اے کی کوئٹہ سے اسلام آباد پہنچنے والی پرواز جہاز کے کپتان کی حاضری دماغی سے حادثے سے بال بال بچ گئی۔

ایکسپریس نیوز کے مطابق پی آئی اے کی پرواز پی کے 352 کوئٹہ سے جب اسلام آباد پہنچی تو ایئرٹریفک کنٹرول نے ایک طیارے کے رن وے پر موجود ہونے کے باوجود پرواز کو لینڈنگ کی اجازت دے دی تاہم لینڈنگ کرنے والے جہاز کے کپتان کی نظر جب رن وے پر پڑی تو وہاں پہلے سے ایک طیارہ موجود تھا جس کے بعد کپتان نے حاضر دماغی کا مظاہرہ کرتے ہوئے پرواز کو دوبارہ فضا میں بلند کردیا۔

پی آئی اے کی پرواز پی کے 352 کو جس وقت لینڈنگ کی اجازت دی گئی اس وقت پرواز 2 ہزار فٹ کی بلندی پر تھی اور طیارے کی رن وے پر موجودگی کے باعث پرواز کو دوبارہ فضا میں بلند کیا گیا جس پر جہاز نے تقریباً 20 منٹ فضا میں اضافی پرواز کی۔

دوسری جانب ترجمان پی آئی اے نے معاملے کی تحقیقات کا اعلان کرتے ہوئے کہا ہے کہ یہ سول ایوی ایشن کے ماتحت کام کرنے والے ایئرٹریفک کنٹرول کی غلطی ہے لہٰذا غفلت برتنے والوں کے خلاف تحقیقات کرکے انہیں سزا دی جائے گی۔

مزید : اسلام آباد /اہم خبریں


loading...