عمران خان کا فیصل سبحان کی گمشدگی پرعدالتی تحقیقات کا مطالبہ

عمران خان کا فیصل سبحان کی گمشدگی پرعدالتی تحقیقات کا مطالبہ
عمران خان کا فیصل سبحان کی گمشدگی پرعدالتی تحقیقات کا مطالبہ

  

اسلام آباد(ڈیلی پاکستان آن لائن) پاکستان تحریک انصاف کے چیئرمین عمران خان نے شہباز شریف کی کرپشن کا بھانڈا پھوڑنے والے فیصل سبحان کی گمشدگی پر عدالتی تحقیقات کا مطالبہ کردیا۔

سوشل میڈیا پراپنے پیغام میں عمران خان کا کہنا تھا کہ شہباز شریف کی پاناما لیکس اب منظر عام پر آئی ہیں کیوں کہ کیپیٹل کنسٹرکشن نامی کمپنی کے سربراہ فیصل سبحان نے ملتان میٹرو منصوبے میں کرپشن کی تحقیقات کرنے والے چینی حکام کے سامنے اعتراف بھی کیا اور بتایا کہ شہباز شریف اور ان کے خاندان کے بیرون ملک اکاونٹس میں بھاری کمیشن منتقل کیا۔

عمران خان نے کہا کہ اس اعتراف کے بعد فیصل سبحان کو غائب کردیا گیا ہے میں اس گمشدگی کی عدالتی تحقیقات کا مطالبہ کرتا ہوں اور میری سپریم کورٹ سے استدعا ہے کہ میٹرو اور اورنج لائن منصوبوں کے معاہدے بھی قوم کے سامنے لائے جائیں۔

چیئرمین تحریک انصاف نے کہا کہ پنجاب کی نوکر شاہی کا کردار بے نقاب ہوچکا ہے جب کہ حکومت کی جانب سے شفافیت کے تمام تقاضے بالائے طاق رکھتے ہوئے اربوں روپے مالیت کے ان منصوبوں کو خفیہ تجوریوں میں چھپائے رکھنا ناقابل قبول ہے۔

مزید : قومی /علاقائی /اسلام آباد /اہم خبریں