قومی جوڈو چمپئن شپ اگلے ماہ کوئٹہ میں کھیلی جائے گی

قومی جوڈو چمپئن شپ اگلے ماہ کوئٹہ میں کھیلی جائے گی

اسلام آباد (این این آئی)پاکستان جوڈو فیڈریشن کے زیر اہتمام قومی جوڈو چمپئن شپ مارچ 2019ء میں کھیلی جائے گی۔ ایونٹ میں پاکستان آرمی ٹائٹل کا دفاع کرے گی۔پاکستان جوڈو فیڈریشن کے نائب صدر اور میڈیا ڈائریکٹر مسعود احمد خان کے مطابق کوئٹہ میں شیڈول ایونٹ میں چاروں صوبے ، واپڈا ، نیوی ، پولیس ، اسلام آباد ، فاٹا ، ڈی ایچ اے ، ایچ ای سی ،گلگت بلتستان اور آزاد کشمیر کی ٹیمیں شرکت کریں گی۔انہوں نے کہا کہ انٹرنیشنل فیڈریشن کے رولز کے مطابق ایونٹ میں انفرادی اور ٹیم ایونٹ کے مقابلے کھیلے جائیں گے۔ ایونٹ میں پاکستان آرمی ٹائٹل کا دفاع کرے گی۔ انہوں نے کہا کہ چمپئن شپ دسمبر میں کوئٹہ میں کھیلی جانی تھی تاہم کوئٹہ میں شدید سردی کے باعث فیڈریشن نے ایونٹ کو ملتوی کردیا۔

اب نئے شیڈول کے مطابق چمپئن شپ آئندہ سال مارچ 2019ء میں کھیلی جائے گی۔

مزید : کھیل اور کھلاڑی /پشاورصفحہ آخر


loading...