لاہور میں میٹرو بسیں ٹکرا گئیں، خاتون جاں بحق، 16 افراد زخمی

لاہور میں میٹرو بسیں ٹکرا گئیں، خاتون جاں بحق، 16 افراد زخمی
لاہور میں میٹرو بسیں ٹکرا گئیں، خاتون جاں بحق، 16 افراد زخمی

  


لاہور(ڈیلی پاکستان آن لائن) لاہور کے علاقے گجومتہ کے قریب دو میٹرو بسیں ٹکرانے سے ایک خاتون جاں بحق جبکہ 16 افراد زخمی ہو گئے۔

نجی ٹی وی چینل ڈان نیوز نے ریسکیو ذرائع کے حوالے سے کہا ہے کہ آمنے سامنے سے آنے والی دو میٹرو بسیں ٹکرانے کے بعد ٹریک بند ہونے سے بس سروس معطل ہو گئی جبکہ ریسکیو کی سات ایمبولینسز فوری طور پر موقع پر پہنچ گئیں۔

ریسکیو ٹیموں نے موقع پر پہنچ کر امدادی کاموں میں حصہ لیا اور زخمیوں کو فوری طور پر قریبی ہسپتال منتقل کیا۔

ہسپتال ذرائع کے مطابق زخمیوں کی حالت خطرے سے باہر ہے جبکہ معمولی زخمیوں کو فوری طبی امداد کے بعد ڈسچارج کر دیا گیا۔

مزید : علاقائی /پنجاب /لاہور


loading...