بھارت میں امریکی صدر ٹرمپ کو کھانے کے لالے پڑ گئے؟
نئی دہلی (مانیٹرنگ ڈیسک)بطور صدر پہلی بار بھارت کا دورہ کرنیوالے ڈونلڈ ٹرمپ کو ان کے سٹاف کی جانب سے کھانے پیش کرنے میں مشکلات کا سامنا ہے۔ابتداء میں ڈونلڈ ٹرمپ کیساتھ موجود امریکی حکام نے اس بات کی تردید کی تھی کہ دورہ بھارت میں صدر کو کھانے کے مسائل درپیش آئیں گے تاہم اب انہیں ٹرمپ کی ڈائٹ میں اچانک آنیوالی تبدیلی پر پریشان دیکھا گیا ہے۔ایک امریکی عہدیدار نے سی این این کو انٹرویو میں بتایا کہ ’ٹرمپ اکثر کھانے کیساتھ سلاد کھاتے ہیں مگر اس کے علاوہ ہم نے انھیں کبھی سبزیاں کھاتے نہیں دیکھا، مجھے نہیں معلوم اس صورتحال میں وہ کیا کریں گے کیونکہ وہاں پنیر برگر بھی نہیں پیش کیا جاتا۔صدر ڈونلڈ ٹرمپ کی روز مرہ کی خوراک میں گو شت سے بنی غذائیں، برگرز اور میٹ لوف وغیرہ شامل ہوتے ہیں تاہم تین روزہ دورہ بھارت میں ان کی خوراک میں نمایاں تبدیلی کا ا مکا ن ہے۔بھارتی وزیرِاعظم بھی پکے سبزی خور ہیں اور وہ ڈونلڈ ٹرمپ کی تواضع بھی سبزیوں کے برگر، دیسی روٹیوں، گوبھی کے سموسے اور نا ریل کے پانی سے کرنے کا ارادہ رکھتے ہیں۔صدر ٹرمپ دورہ بھارت میں نریندر مودی کیساتھ کئی بار کھانے کی میز پر بیٹھیں گے۔امریکی حکام کا کہنا ہے ڈونلڈ ٹرمپ نے جن بھی ممالک کا دورہ کیا ہے وہاں پر اْن کے کھانے کا خاص خیا ل رکھا جاتا ہے۔ اگر اس ملک میں گائے کا گوشت دستیاب نہ ہو تو بھیڑ یا کسی اور جانور کا گوشت پیش کیا جاتا ہے۔بھارت میں ٹرمپ کی پسندیدہ امریکی فاسٹ فوڈ کمپنی میک ڈونلڈز موجود ہے لیکن مشکل یہ ہے کہ وہ بھی بھارت میں گائے کے گوشت سے بنے برگر نہیں پیش کرتے۔ مقامی لوگ چکن برگر کے علاوہ فرائڈ پنیر اور چیز سینڈوچز شوق سے کھاتے ہیں۔
ٹرمپ لا لے
