پنجاب سے سینیٹ کے تمام امیدوار بلامقابلہ کامیاب ، یہ کیسے ممکن ہوا اور جیتنے والوں میں کون کون شامل ہے؟ نام سامنے آگئے

پنجاب سے سینیٹ کے تمام امیدوار بلامقابلہ کامیاب ، یہ کیسے ممکن ہوا اور جیتنے ...
پنجاب سے سینیٹ کے تمام امیدوار بلامقابلہ کامیاب ، یہ کیسے ممکن ہوا اور جیتنے والوں میں کون کون شامل ہے؟ نام سامنے آگئے
سورس:   Facebook

  

لاہور (ڈیلی پاکستان آن لائن) سینیٹ الیکشن میں پنجاب سے حصہ لینے والے پاکستان تحریک انصاف، مسلم لیگ ن اور مسلم لیگ ق کے تمام امیدوار بلا مقابلہ منتخب ہوگئے۔

الیکشن کمیشن آف پاکستان (پنجاب) ذرائع کے مطابق پنجاب سے سینیٹ الیکشن میں حصہ لینے والے  اضافی امیدواروں کے کاغذات نامزدگی واپس لینے کی وجہ سے تمام امیدوار بلا مقابلہ منتخب ہوگئے ہیں۔ ان میں پاکستان تحریک انصاف اور مسلم لیگ ن کے پانچ ، پانچ جبکہ مسلم لیگ ق کا ایک امیدوار شامل ہے۔ الیکشن کمیشن کی جانب سے امیدواروں کی کامیابی کا نوٹیفکیشن تین مارچ کو جاری کیا جائے گا۔

ذرائع کے مطابق پنجاب سے جنرل نشست پر پاکستان تحریک انصاف کے   سیف اللہ نیازی، عون عباس بپی اور اعجاز چوہدری کامیاب قرار پائے ہیں۔ ٹیکنوکریٹ سیٹ پر تحریک انصاف کے علی ظفر جبکہ خواتین کی نشست پر ڈاکٹر زرقا کامیاب ہوئی ہیں۔

دوسری جانب مسلم لیگ ن کے مشاہد اللہ خان مرحوم کے صاحبزادے ڈاکٹر افنان اللہ خان، عرفان صدیقی اور علامہ ساجد میر جنرل نشست پر بلا مقابلہ کامیاب قرار پائے ہیں۔ ٹیکنو کریٹ کی نشست پر ن لیگ کے اعظم نذیر تارڑ جبکہ خواتین کی نشست پر سعدیہ عباسی کامیاب قرار دی گئی ہیں۔مسلم لیگ ق کے کامل علی آغابھی پنجاب سے بلا مقابلہ سینیٹر منتخب ہوگئے۔

مزید :

Breaking News -اہم خبریں -قومی -