طورخم پاک افغان سرحد کو پیدل آمدورفت کے لئے کھول دیا گیا

  طورخم پاک افغان سرحد کو پیدل آمدورفت کے لئے کھول دیا گیا

  IOS Dailypakistan app Android Dailypakistan app


 پشاور (این این آئی)طور خم سرحدی گزر گاہ پیدل آمدورفت کے لئے کھول دیا گیا ہے تاہم گاڑیوں کی آمدو رفت معطل رہی۔سیکورٹی حکام کے مطابق طور خم پر کشیدگی کے باعث 5 روز قبل بند کی گئی پاک افغان سرحد کو کھول دیا گیا، کارگو گاڑیوں کی آمدورفت معطل رہی۔سیکیورٹی حکام نے بتایا کہ گزر گاہ سے پاکستان کی طرف سے افغان شہری افغانستان جاسکتے ہیں، اور افغانستان سے صرف پاکستانی شہری پاکستان آسکتے ہیں۔سیکورٹی حکام کے مطابق طورخم سرحدی گزرگاہ کو 5 روز قبل افغان سیکورٹی حکام نے احتجاجاً بند کردیا تھا، جب پاکستانی سیکیورٹی فورسز کی جانب سے افغان شہری کو دستاویزات مکمل نہ ہونے پر واپس افغان بارڈر بھیج دیا گیا تھا۔سیکیورٹی حکام نے بتایا کہ اب سرحدی گزگرگاہ کی بحالی سے مشروط آمدورفت شروع ہوگئی ہے، افغانی وفد کیساتھ مزکرات کے بعد صرف افغانی پاکستان سے جا سکتے، اور افغانستان کی جانب سے صرف پاکستانی داخل ہوسکتے۔
طورخم

مزید :

صفحہ اول -