سیلینا گومز نے انسٹاگرام پر سب سے زیادہ فالو کی جانے والی خاتون کا ریکارڈ بنانے کے بعد سوشل میڈیا سےکنارہ کشی اختیار کرلی

سیلینا گومز نے انسٹاگرام پر سب سے زیادہ فالو کی جانے والی خاتون کا ریکارڈ ...
سیلینا گومز نے انسٹاگرام پر سب سے زیادہ فالو کی جانے والی خاتون کا ریکارڈ بنانے کے بعد سوشل میڈیا سےکنارہ کشی اختیار کرلی

  IOS Dailypakistan app Android Dailypakistan app

لاس اینجلس(ویب ڈیسک)امریکی گلوکارہ اور اداکارہ سلینا گومز سوشل میڈیا بلاگنگ سائٹ انسٹاگرام پر سب سے زیادہ فالو کی جانے والی خاتون اداکارہ بنے کے بعد سوشل میڈیا سے کنارہ کشی اختیار کرلی۔

تفصیلات کے مطابق گزشتہ روز سلینا گومز انسٹاگرام پر 38 کروڑ 40 لاکھ فالوورز کے ساتھ سب سے زیادہ فالو کی جانے والی خاتون بننے کا اعزاز اپنے نام کر چکی ہیں جس کے بعد انہوں نے سوشل میڈیا سے کنارہ کشی کا اعلان بھی کر دیا۔

گلوکارہ سلینا گومز نے ٹک ٹاک کی لائیو ویڈیو پر مداحوں کو بتایا کہ "میں سوشل میڈیا سے ایک بار پھر وقفہ لے رہی ہوں، یہ ایک پچگانہ چیز ہے لیکن میں اب 30 برس کی ہوگئی ہوں اور اب اس سب کے لیے میں بہت بڑی ہوچکی ہوں۔میں آپ سب لوگوں سے بہت پیار کرتی ہوں، آپ لوگوں سےایک بار پھر ملاقات ہوگی، میں ہر چیز سے وقفہ لینے جا رہی ہوں"۔

یاد رہے کہ سلینا گومز اس سے قبل بھی کئی مرتبہ سوشل میڈیا سے کنارہ کشی اختیار کرچکی ہیں جس کی وجہ سوشل میڈیا پر ان کے خلاف متنازع اور منفی کمنٹس ہیں جس سے وہ ڈپریشن کا شکار ہوئیں۔قبل ازیں انہوں نےایک انٹرویو میں   وضاحت دیتے ہوئے کہا تھا کہ "انہوں نے اپنے فون سے انسٹاگرام ڈیلیٹ کردیا تھا کیونکہ انہیں یہ پلیٹ بالکل پسند نہیں ہے اور انسٹاگرام پر پوسٹ ان کی ٹیم کی جانب سے پوسٹ کی جاتی تھی۔ لوگ مجھے بدشکل اور بے وقوف کہہ سکتے تھے یا میں جیسی بھی ہوں، لیکن لوگ بہت تفصیل سے خاص پیراگراف لکھتے جو کہ بہت مخصوص اور معنیٰ خیز ہوتے تھے، میں لگاتار روتی رہتی تھی اور اس وجہ سے میں اینزائٹی کا شکار ہو گئی تھی، یہ میرے لیے وقت کا ضیاع تھا"۔انہوں نے کہا تھا کہ "ٹک ٹاک وہ واحد ایپ ہے جو مجھے پسند ہے اور انجوائے کرتی ہوں، لیکن منفی کمنٹس کی وجہ سے میں ڈپریشن میں مبتلا ہوجاتی ہوں"۔

خیال رہے کہ سلینا گامز سے پہلے سب سے زیادہ فالو کی جانے والی خاتون امریکی ماڈل و اداکارہ کائلی جینر کے پاس تھا جو اب دوسرے نمبر پر ہیں۔

واضح رہے کہ مجموعی طورپر انسٹاگرام پر سب سے زیادہ فالوررز پرتگال کے سٹار فٹبالر کرسٹیانو رونالڈو کے ہیں۔کرسٹیانو رونالڈو 55 کروڑ 20 لاکھ فالوورز کے ساتھ پہلے، ارجنٹینا کے فٹ بالر  لیونل میسی 43 کروڑ 40 لاکھ فالوورز کے ساتھ دوسرے اور امریکی گلوکارہ سلینا گومز 38 کروڑ 20 لاکھ فالوورز کے ساتھ تیسرے نمبر پر ہیں جبکہ کائلی جینز   38 کروڑ  کے ساتھ  چوتھے نمبر پر ہیں۔

مزید :

تفریح -