ایف آئی اے کی کراچی میں کارروائی، سونے کی اینٹیں برآمد

ایف آئی اے کی کراچی میں کارروائی، سونے کی اینٹیں برآمد
ایف آئی اے کی کراچی میں کارروائی، سونے کی اینٹیں برآمد
سورس: فائل فوٹو

  IOS Dailypakistan app Android Dailypakistan app

کراچی (ڈیلی پاکستان آن لائن) وفاقی تحقیقاتی ادارے (ایف آئی اے) نے صرافہ مارکیٹ سے حوالہ ہنڈی میں ملوث 2 ملزمان کو گرفتار کرکے ان کے قبضے سےسونے کی 9 اینٹیں برآمد کرلیں۔

ایف آئی اے حکام نے بتایا کہ ملزمان کو صرافہ مارکیٹ سے گرفتار کیا گیا اور ملزمان سے 9 سونے کی اینٹیں،65 لاکھ 20 ہزار پاکستانی روپے برآمد ہوئے۔ایف آئی اے نے کہا کہ برآمد ہونے والے سونے کی مجموعی مالیت 2 کروڑ روپے سے زائد ہے جبکہ ملزمان سے ہنڈی حوالہ، غیر ملکی کرنسی سے متعلق ریکارڈ بھی برآمد بھی ہوا۔ترجمان ایف آئی اے کے مطابق ملزمان کے خلاف مقدمہ درج کر لیا گیا اور دیگر ملزمان کی گرفتاری کے لئے چھاپے مارے جا رہے ہیں۔