تحصیل حلیمزئی میں جماعت اسلامی کا مہنگائی کیخلاف احتجاجی مظاہرہ

    تحصیل حلیمزئی میں جماعت اسلامی کا مہنگائی کیخلاف احتجاجی مظاہرہ

  



مہمند(نمائندہ پاکستان)مہمند، تحصیل حلیمزئی میاں منڈی بازار میں جماعت اسلامی کے زیراہتمام مہنگائی کے خلاف احتجاجی مظاہرہ، کمرتوڑ مہنگائی نے غریب عوام کا جینا محال کردیا، موجودہ حکومت عوام کے مسائل حل کرنے میں ناکام ہوگئیں ہیں، غریب عوام کی منہ سے دووقت روٹی کا نوالہ بھی چھین لیا گیا، مقررین کا خطاب، تفصیلا ت کے مطابق جمعہ کے روز قبائلی ضلع مہمند تحصیل حلیمزئی کے تجارتی مرکز میاں منڈی بازار میں جماعت اسلامی کے زیراہتمام مہنگائی کے خلاف بھرپورا حتجاجی مظاہرہ کیا گیا۔ اس موقع پر احتجاجی مظاہرے سے خطاب کرتے ہوئے جماعت اسلامی ضلع مہمند کے جنرل سیکرٹری نوید مہمند، تحصیل حلیمزئی کے امیر عابد خان اور تحصیل حلیمزئی کے جنرل سیکرٹری عابد جمال نے کہا کہ موجودہ حکومت کے ناقص پالیسیوں کی وجہ سے کمرتوڑ مہنگائی نے غریب عوام کا جینا محال کردیاہے اور غریب عوام کی منہ سے دووقت روٹی کی نوالہ بھی چھین لیا گیا ہے۔ انہوں نے کہا کہ موجودہ حکومت ہر محاذ پر ناکام ہوچکی ہے جس کے باعث ملک میں غربت، بے روزگاری اور مہنگائی کی شرح میں خطرناک حد تک اضافہ ہوگیا ہے اور اب حالات اس نہج تک پہنچ گئی ہے کہ غریب عوام کمرتوڑ مہنگائی کی وجہ سے خودکشیوں پر مجبور ہیں۔ انہوں نے کہا کہ پورے ملک میں تیل، گیس،بجلی اور اشیاء خوردونوش کی قیمتیں آسمان سے باتیں کررہے ہیں اور عوام کاکوئی پرسان حال نہیں ہے۔ ان کا کہنا تھا کہ روز روز اشیاء خوردونوش کی قیمتیں بڑھنا سمجھ سے بالاتر ہے اور اسکی نتیجہ حکمران جماعت کی ناقص پالیسیاں ہیں اور ان کے پاس گڈگورننس کی کمی ہے ان کو حکومت چلانے کا طریقہ بھی نہیں آتی۔

مزید : پشاورصفحہ آخر