نقیب اللہ قتل کیس، پولیس اہلکاروں کی ضمانت مسترد، ٹرائل کورٹ کو 3ماہ میں فیصلہ سنانے کا حکم
کراچی(مانیٹرنگ ڈیسک) سندھ ہائیکورٹ نے نقیب اللہ قتل کیس میں غلام نازک سمیت دیگر ملزمان کی ضمانت مسترد کرتے ہوئے ٹرائل کورٹ کو 3 ماہ میں فیصلہ سنانے کا حکم دے دیا۔جسٹس محمد اقبال کلہوڑو اور جسٹس ارشاد علی شاہ پر مشتمل دو رکنی بینچ نے نقیب اللہ قتل کیس میں ملزمان کی درخواست ضمانت پر فیصلہ سنا دیا۔ عدالت نے پولیس اہلکاروں اللہ یار اور دیگر کی ضمانت کی درخواستیں مسترد کر دیں۔عدالت نے ٹرائل کورٹ کو تین ماہ میں مقدمے کا فیصلہ سنانے کا حکم دے دیا۔ پولیس اہلکار ملزم اللہ یار، نازک، شکیل فیروز اور دیگر نے ضمانت کیلیے درخواست دائر کی تھیں۔
نقیب قتل کیس