آئیے مسکرائیں
٭استاد (دو لڑکوں سے): "ارے! آپس میں سر کیوں ٹکرا رہے ہو؟"
ایک لڑکا: "جناب! آپ ہی نے تو کہا تھا کہ ریاضی میں پاس ہونے کے لیے دماغ لڑانا ضروری ہے۔"
٭مہمان (چھٹا کینو لیتے ہوئے میزبان سے): "اجی، کیا بتاؤں میری نظر تو بہت کمزور ہے۔"
میزبان (جل کر): "جی ہاں! جبھی آپ کینوؤں کو انگور سمجھ کر کھا رہے ہیں۔"
٭مجسٹریٹ (جیب کترے سے): "تم نے اس آدمی کی جیب سے بٹوہ کس طرح نکال لیا؟"
جیب کترا (تن کر): اس علم کو سکھانے کی فیس پانچ سو رپے ہے۔"
٭ڈاکٹر (نوکر سے): "دیکھو دروازے پر کون آیا ہے۔"
نوکر: "کوئی مریض ہوگا!"
ڈاکٹر: "جاؤ معلوم کرو مریض نیا ہے یا پرانا۔"
نوکر: "نیا ہی ہوگا۔ آپ کے پاس آکر پرانا تو مشکل ہی سے بچتا ہے۔"
٭جیل کا داروغہ (قیدی سے): "معاف کرنا، میں نے تمہیں چار دن زیادہ قید میں رکھا۔"
قیدی: " کوئی بات نہیں۔ آئندہ آؤں تو چار دن پہلے رہا کردینا۔"
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
باپ بیٹے سے:
اگر اس بار تم فیل ہوے تو مجھے اپنا باپ مت کہنا۔
اگلے دن باپ:
کیا بنا رزلٹ کا؟
بیٹا:
بس "بشیر صاحب" کچھ مت پوچھیں۔۔۔