وزارت عظمی کے امیدوار نواز شریف خود یا جسے وہ چاہیں گے وہ ہوگا‘رانا ثناءاللہ
اسلام آباد(این این آئی) وفاقی وزیرداخلہ رانا ثناءاللہ نے کہاکہ آئندہ الیکشن میں وزارت عظمی کے امیدوار نواز شریف خود یاجسے وہ چاہیں گے وہ ہوگا عمران خان کو25مئی کو گرفتار ہو جانا چاہئے تھا میں نے کابینہ سے اجازت مانگی تھی جو نہ ملی، پروجیکٹ عمران خان میں5لوگوں کانام فائنل ہوگیا جنہیں عوام کے سامنے لایاجائے گا لندن سے اپنے بیان میں رانا ثناءاللہ نے کہاکہ کل الیکشن کرالیں لیکن عمران خان نتائج تسلیم نہیں کرےگا عمران خان کہتا ہے مجھے اقتدارنہ ملے توپاکستان پر ایٹم بم گرادو، اگر یہ اقتدار میں آ گیا تو ملک کا بھٹہ بٹھا دے گا اپنے بیان میں کہا کہ عمران خان کےخلاف کرپشن کے ثبوت موجود ہیں گرفتاری کا فیصلہ اداروں نے کرنا ہے، مریم نواز کو وزیر اعلیٰ پنجاب ہونا چاہئے مریم نواز نے ثابت کیا کہ وہ چیف آرگنائزر کے عہدہ کی اہل ہیں، نواز شریف الیکشن سے پہلے پاکستان واپس جارہے ہیں، تاریخ کا اعلان وہ خود کریں گے نجی ٹی وی سے بات چیت کرتے ہوئے وزیرداخلہ نے کہاکہ پروجیکٹ عمران خان کو لانچ کرکے 2018میں ملک پرمسلط کیاگیا، اس شخص نے پاکستان کو آئی ایم ایف کے پاس گروی رکھوادیا،مالیاتی ادارہ روز بجلی اور گیس کی قیمتیں بڑھانے کو کہتا ہے عمران فتنے کا قوم کو شناخت اور ادراک کرناچاہیے، ووٹ کی طاقت سے اس فتنے کو مائنس نہ کیا تو یہ تباہی لائے گا،نوازشریف کے خلاف سب سے بڑا سازشی عمران خان تھا۔انہوںنے کہاکہ عمران ثابت کرنے کی کوشش کررہے ہیں کہ وہ نجات دہندہ تھے، عمران خان لوگوں کو گمراہ کررہے ہیں، عمران خان کا ایک ہی ایجنڈا ہے کسی طرح اقتدارمل جائے نوازشریف چاہتے ہیں عام انتخابات اپنے مقررہ وقت پرہوں، نوازشریف آئندہ انتخابی مہم خود لیڈ کریں گے، نوازشریف کی واپسی پر پورا پنجاب اور پاکستان جمع ہوگا۔
رانا ثناءاللہ
