محمود اچکزئی کے عملہ کے 200کارکنان کا پولنگ سٹیشن پر دھاوا، انتخابی سامان ساتھ لے گئے
چمن (ڈیلی پاکستان آن لائن)چمن کے علاقہ محمود آباد پولنگ سٹیشن میں 2گروہوں میں فائرنگ کا تبادلہ ہوا جس کے باعث محمود اچکزئی کی پارٹی کے عملہ کے 200کارکنان نے پولنگ سٹیشن پر دھاوابول دیا اورانتخابی سامان بھی ساتھ لے گئے ۔
ڈی آر او سید ہارون کے مطابق پشتون قبائل اور پی کے میپ کے درمیان فائرنگ کا تبادلہ ہوااور پختون خوامیپ کے کارکنا ن نے قلعہ عبداللہ میں پولنگ سٹیشن پر ہلہ بول دیا اور الیکشن کمیشن کے عملہ کو ذدو کوب بھی کیا اور جاتے انتخابی سامان بھی ساتھ لے گئے ۔ڈی آر او سید ہارون کا مزید کہنا تھا کہ شر پسند عناصر کے خلاف کارروائی کا آغاز کر دیا ہے اور پولنگ کے عمل میں رکاوٹ بننے والوں کے خلاف قانون کے مطابق کارروائی کی جائے گی۔
