آزاد کشمیر میں پی ٹی آئی کارکن کا قتل، شہباز گل نے بڑا اعلان کردیا
اسلام آباد(ڈیلی پاکستان آن لائن) وزیراعظم کے معاون خصوصی شہباز گل نے کہا ہے کہا کہ کارکنوں کا خون رائیگاں نہیں جانے دیں گے اور ذمہ داروں کو سخت سزا دلوانے کے لیے پاکستان تحریک انصاف ہر حد تک جائے گی۔ مقامی انتظامیہ مجرموں کے خلاف فوری کارروائی کرے۔
سماجی رابطے کی ویب سائٹ ٹویٹر پر ٹویٹ کرتے ہوئے انکا کہنا تھا کہ واضح شکست نظر آنے پر آزاد کشمیر الیکشن کے دوران مخالفین کی غنڈہ گردی سے شہید ہونے والے کارکنوں کے لواحقین سے دلی تعزیت کرتے ہیں۔ نواز محب ملاقات میں طے شدہ پروگرام کے مطابق مسلم لیگ (ن) دھاندلی کا شور مچائے گی۔ اس کے ساتھ ساتھ تشدد، فائرنگ، جلاؤ کی کوشش بھی کی جائے گی۔ مودی کی ایما پر الیکشن کی ساکھ پر اعتراض اور سوالات کئے جائیں گے اور افراتفری کی کوشش ہو گی لیکن ان سب کو ناکامی ہوگی۔
واضح شکست نظر آنے پرآزاد کشمیر الیکشن کے دوران مخالفین کی غنڈہ گردی سے شہید ہونے والے کارکنوں کے لواحقین سے دلی تعزیت کرتے ہیں
— Dr. Shahbaz GiLL (@SHABAZGIL) July 25, 2021
ان کارکنوں کا خون رائیگاں نہیں جانے دیں گے اور ذمہ داروں کو سخت سزا دلوانے کے لیےPTI ہر حد تک جائے گی
مقامی انتظامیہ مجرموں کے خلاف فوری کارروائی کرے