تحریک انصاف کی امیر ترین خاتون رہنماءنے بھی ’بغاوت‘ کر دی
وہاڑی (ڈیلی پاکستان آن لائن) پاکستان تحریک انصاف (پی ٹی آئی) کا ٹکٹ نہ ملنے پر وہاڑی سے عائشہ نذیر جٹ پارٹی قیادت سے ناراض ہو گئی ہیں اور آزاد حیثیت سے الیکشن لڑنے کا اعلان کر دیا ہے۔
عائشہ نذیر جٹ نے آزاد حیثیت میں الیکشن لڑنے کا اعلان کرتے ہوئے کہا کہ وہ عمران خان کے نہیں بلکہ اسحاق خاکوانی اور جہانگیر ترین کیخلاف ہیں، این اے 162 اور این اے 163 کی نشستیں جیت کر کپتان کو تحفہ دیں گے۔
واضح رہے کہ عائشہ نذیر جٹ تحریک انصاف کی امیر ترین خاتون رہنماءبھی جن کے کل اثاثوں کی مالیت 1ارب 30 کروڑ 49لاکھ روپے سے زائد ہے۔ الیکشن کمیشن میں جمع کرائی گئی اثاثوں کی تفصیلات کے مطابق عائشہ نذیر جٹ برطانیہ میں فلیٹ کی مالک ہونے کے ساتھ سعودی عرب کی تعمیراتی کمپنی میں 18کروڑ 83لاکھ روپے کی حصہ دار بھی ہیں۔
دستاویز کے مطابق عائشہ نذیر جٹ 40لاکھ روپے کے زیوارت اور فرنیچر کی مالک بھی ہیں اور انہوں نے اپنے اثاثوں میں اپنے شوہر کو بھی مشترکہ طورپر مالک ظاہر کیا ہے کہ ان کے بینک اکاﺅنٹ میں 2لاکھ 79ہزار روپے موجود ہیں۔
