سوشانت سنگھ کی موت کے بعد بالی ووڈ میں ہنگامہ، عفّت عمر پاکستان شوبز انڈسٹری کی اقربا پروری کیخلاف بول پڑیں

سوشانت سنگھ کی موت کے بعد بالی ووڈ میں ہنگامہ، عفّت عمر پاکستان شوبز انڈسٹری ...
سوشانت سنگھ کی موت کے بعد بالی ووڈ میں ہنگامہ، عفّت عمر پاکستان شوبز انڈسٹری کی اقربا پروری کیخلاف بول پڑیں

  

لاہور (ویب ڈیسک) معروف اداکارہ و میزبان عفّت عمر نے پاکستان شوبز انڈسٹری میں پائی جانے والی اقربا پروری کے خلاف اپنی آواز بلند کردی۔رواں ماہ خودکشی کرنے والے بھارتی اداکار سوشانت سنگھ کی موت کے بعد سے بھارت میں بالی ووڈ اقربا پروری کے خلاف آواز اٹھائی جارہی ہے اور ناصرف بھارتی فنکار اس کے خلاف بول رہے ہیں بلکہ پاکستانی فنکار بھی بالی ووڈ کی کچھ نامور شخصیات کو سوشانت کی خودکشی کی وجہ قرار دیتے نظر آرہے ہیں۔

ایسے میں پاکستان کی معروف اداکارہ و میزبان عفت عمر کی جانب سے ایک پیغام سامنے آیا ہے جس میں انہوں نے پاکستان شوبز انڈسٹری میں پائی جانے والی اقربا پروری کے بارے میں بات کی ہے۔

مائیکر و بلاگنگ سائٹ ٹوئٹر پر ٹوئٹ کرتے ہوئے عفت عمر نے لکھا کہ ’پاکستانی انڈسٹری کے فنکار بھارتی فلم ساز کرن جوہر کے ٹی وی شو ’کافی وِد کرن‘ کی خبریں تو سوشل میڈیا پر شیئر کر رہے ہیں اور ان کے خلاف بول بھی رہے ہیں لیکن ا?پ کی اپنی انڈسٹری میں ہونے والی اقربا پروری کے بارے میں آپ کا کیا خیال ہے؟‘

عفت عمر نے سوالیہ انداز میں لکھا کہ ’آپ میں سے کسی نے بھی کبھی یہ سوچا ہے کہ ہماری انڈسٹری میں کتنے اداکار ہیں؟‘

واضح رہے کہ رواں ماہ 14جون کو گلے میں پھانسی کا پھندہ ڈال کر خودکشی کرنے والے بھارتی اداکار سوشانت سنگھ کی موت کے واقعے کے بعد سے بھارتی عوام کی جانب سے بالی ووڈ انڈسٹری اور دیگر نامور بھارتی شخصیات کو اداکار کی خودکشی کی وجہ قرار دیا جارہا ہے جن میں عالیہ بھٹ، کرن جوہر اور سلمان خان جیسے معروف بھارتی فنکار شامل ہیں۔

یاد رہے کہ کرن جوہر نے اپنے ایک شو میں جب عالیہ بھٹ سے سوشانت سنگھ کے حوالے سے سوال کیا تھا تو اداکارہ نے لاتعلقی کا اظہار کرتے ہوئے کہا تھا کہ کون سوشانت سنگھ، جس پر کرن جوہر اور عالیہ بھٹ نے سوشانت سنگھ پر گفتگو کرتے ہوئے قہقہہ لگانا شروع کردیے تھے یہی وجہ ہے کہ بھارتی عوام میں اداکار کی خودکشی کے حوالے سے غم و غصہ پایا جارہا ہے۔

مزید :

تفریح -