" پی ٹی آئی کو ووٹ دینے سے بہتر تھا کہ ضائع کردیتی" معروف اینکر عائشہ یوسف حکومت پر برس پڑیں

" پی ٹی آئی کو ووٹ دینے سے بہتر تھا کہ ضائع کردیتی" معروف اینکر عائشہ یوسف ...

  

لاہور (ڈیلی پاکستان آن لائن) اینکر پرسن عائشہ یوسف کا کہنا ہے کہ وہ پی ٹی آئی کو ووٹ دے کر پچھتا رہی ہیں ، بہتر تھا کہ وہ اپنا ووٹ ضائع کردیتیں۔

اپنی ایک ویڈیو میں عائشہ یوسف کا کہنا تھا کہ پی ٹی آئی نے نا اہلی کی انتہا کردی ہے، میں نے بھی پی ٹی آئی کو ووٹ دیا تھا لیکن اب سوچتی ہوں کہ اپنا ووٹ ضائع کردیتی تو بہتر تھا، انہیں آپس میں لڑنے کے علاوہ کوئی کام نہیں ہے۔

انہوں نے کہا کہ حکومت کی  کشتی خالی ہوتی جارہی ہے، لوگوں نے چھلانگیں لگانا شروع کردی ہیں۔ اختر مینگل نے علیحدگی اختیار کرلی ہے، جن باتوں پر ان کا اتحاد ہوا تھا اس پر پی ٹی آئی پوری نہیں اتری، یہ پی ٹی آئی حکومت کیلئے تشویشناک بات ہے، ندیم افضل چن کے بارے میں شنید ہے کہ وہ بھی چھوڑ رہے ہیں۔

عائشہ یوسف کا کہنا تھا کہ حالات اصل تبدیلی کی طرف جاتے ہوئے لگ رہے ہیں کیونکہ پی ٹی آئی کی تبدیلی تو آئی نہیں ہے۔

مزید :

علاقائی -پنجاب -لاہور -