پی ایس ایل،فردوس عاشق اعوان کی ملتان سلطان کو چیمپئن بننے پر مبارکباد
لاہور(ڈیلی پاکستا ن آن لائن ) پنجاب حکومت کی معاون خصوصی ڈاکٹر فردوس عاشق اعوان نے پاکستان سپر لیگ(پی ایس ایل) کے چھٹے ایڈیشن کی فاتح ٹیم ملتان سلطان کو مبارکباد پیش کردی۔
تفصیلات کے مطابق سماجی رابطے کی ویب سائٹ ٹوئٹر پر اپنے ایک پیغام میں فردوس عاشق اعوان کا کہنا تھا کہ ملتان سلطانز کو پہلی بارپی ایس ایل چیمپئن بننے پر مبارکباد۔ پی ایس ایل کے چھٹے ایڈیشن میں ملتان کی کارکرددگی انتہائی متاثر کن رہی۔ سلطانز کے کپتان محمد رضوان نے زبردست کپتانی سے اپنا لوہا منوایا۔
ان کا کہنا تھا کہ پشاور زلمی کی ٹیم بھی مبارکباد کی مستحق ہے۔ زلمی کی فائنل تک رسائی کا سفر انتہائی لاجواب تھا۔پاکستان زندہ باد۔
ملتان سلطانز کو پہلی بار PSL چیمپئن بننے پر مبارکباد۔ PSL6 میں ملتان کی کارکرددگی انتہائی متاثر کن رہی۔ سلطانز کے کپتان محمد رضوان نے زبردست کپتانی سے اپنا لوہا منوایا۔ پشاور زلمی کی ٹیم بھی مبارکباد کی مستحق ہے۔ زلمی کی فائنل تک رسائی کا سفر انتہائی لاجواب تھا۔
— Dr. Firdous Ashiq Awan (@Dr_FirdousPTI) June 25, 2021
پاکستان زندہ باد