جوہر ٹاﺅن دھماکہ ، ماسٹر مائنڈ پیٹریال ڈیوڈ بحرین میں کیا کاروبار کرتا تھا اور پاکستان کب منتقل ہوا؟ ابتدائی تحقیقات میں اہم انکشافات 

جوہر ٹاﺅن دھماکہ ، ماسٹر مائنڈ پیٹریال ڈیوڈ بحرین میں کیا کاروبار کرتا تھا ...
جوہر ٹاﺅن دھماکہ ، ماسٹر مائنڈ پیٹریال ڈیوڈ بحرین میں کیا کاروبار کرتا تھا اور پاکستان کب منتقل ہوا؟ ابتدائی تحقیقات میں اہم انکشافات 

  

لاہور (ڈیلی پاکستان آن لائن )لاہور کے علاقے جوہر ٹاﺅن دھماکے کے ماسٹر مائنڈ پیٹریال ڈیوڈ کو سیکیورٹی فورسز نے صوبائی دارلحکومت سے فرار ہوتے ہوئے ایئر پورٹ سے گرفتار کر لیا تھا جس کے بارے میں اب اہم انکشافات سامنے آ رہے ہیں ۔

تفصیلات کے مطابق ڈیوڈ پیٹریال کراچی کے علاقے محمود آباد کا رہائشی ہے ، سیکیورٹی اداروں نے گھر کا سراغ لگایا۔ رات گئے اس کے گھر پر قانون نافذ کرنے والے اداروں نے چھاپہ بھی مارا۔ ذرائع کا کہنا ہے کہ گھر کی تلاشی کے دوران چند دستاویزات قبضے میں لے لئے گئے ہیں۔ چھاپے کے دوران کوئی گرفتاری عمل میں نہیں آئی۔

ابتدائی تحقیقات میں معلوم ہواہے کہ پیٹرپال ڈیوڈ بحرین میں سکریپ اور ہوٹل کا کاروبار کرتاہے، ڈیوڈ نے اپنی فیملی کو 2010 میں بحرین سے پاکستان منتقل کیا،ملزم ڈیڑھ ماہ پہلے بحرین سے کراچی پہنچاتھا،ڈیڑھ ماہ کے دوران ڈیوڈ نے 3 بار لاہور کا دورہ کیا،اور27 دن قیام کیا ۔

مزید :

علاقائی -پنجاب -لاہور -