طالبان نے 24 گھنٹے میں اتنے اضلاع پر قبضہ کرلیا کہ کابل انتظامیہ ہل کر رہ گئی

طالبان نے 24 گھنٹے میں اتنے اضلاع پر قبضہ کرلیا کہ کابل انتظامیہ ہل کر رہ گئی
طالبان نے 24 گھنٹے میں اتنے اضلاع پر قبضہ کرلیا کہ کابل انتظامیہ ہل کر رہ گئی
سورس: Twitter

  

کابل (ڈیلی پاکستان آن لائن) تحریک طالبان افغانستان نے گزشتہ 24 گھنٹوں کے دوران ملک کے تین اہم اضلاع پر قبضہ کرلیا ہے۔

افغان ٹی وی طلوع نیوز کے مطابق غیر ملکی افواج کے انخلا کا عمل شروع ہونے کے بعد سے ہی طالبان کی کارروائیوں میں تیزی آئی ہے۔ حالیہ دنوں میں طالبان نے اپنی کارروائیاں تیز تر کرکے کئی اضلاع پر قبضہ کیا ہے۔

گزشتہ 24 گھنٹوں کے دوران طالبان نے تین ضلعوں پر افغان سیکیورٹی فورسز کو شکست دے کر قبضہ کرلیا ہے۔ ان اضلاع میں بغلان صوبے کے دو اضلاع خوست وافرنگ اور گزرگاہِ نور جب کہ غور صوبے کا دولینہ ضلع شامل ہے۔

خیال رہے کہ چند روز قبل طالبان نے تاجکستان کے ساتھ اہم گزرگاہ پر قبضہ جمایا تھا۔

مزید :

بین الاقوامی -