"صدر عارف علوی منصب کا ناجائز فائدہ اٹھا رہے ہیںِ " شیری رحمان برس پڑیں
اسلام آباد(ڈیلی پاکستان آن لائن )پاکستان پیپلز پارٹی کی سینیٹر شیری رحمان کا کہنا ہے کہ ڈاکٹر عارف علوی کا بطور صدر ایک کے بعد دوسرا ترمیمی بل دستخط کے بغیر اعتراضات کے ساتھ واپس کرنا افسوسناک ہے ۔
سماجی رابطے کی ویب سائٹ ٹویٹر پر پیغام جاری کرتے ہوئے شیری رحمان کا کہنا تھا کہ بحیثیت رکن پارلیمنٹ مجھے صدر مملکت ڈاکٹر عارف علوی کی غیر جانبداری پر گہری تشویش ہے ، پاکستان تحریک انصاف (پی ٹی آئی )کے سیاسی مقاصد کے لیے صدر عارف علوی اپنے آئینی منصب کا غیر ضروری فائدہ اٹھا رہے ہیں ۔
صدر علوی کی جانب سے ایک کے بعد دوسرا ترمینی بل دستخط کے بغیر اعتراضات کے ساتھ واپس کرنا افسوسناک عمل ہے۔ بحیثیت رکن پارلیمنٹ مجھے صدر علوی کی غیر جانبدار رویہ پر گہری تشویش ہے۔ پی ٹی آئی کے سیاسی مقاصد کے لئے صدر علوی اپنے آئینی منصب کا غیر ضروری فائدہ اٹھا رہے ہیں۔ 1/3
— SenatorSherryRehman (@sherryrehman) June 25, 2022
پاکستان پیپلز پارٹی کی اہم رکن کا ایک اور ٹویٹ میں کہنا تھا کہ عمران خان کے دور حکومت میں ایوان صدر کو آرڈیننس فیکٹری بنایا گیا تھا ، اب صدر علوی پارلیمنٹ سے منظو شدہ قانون پر بھی ذاتی اعتراضات لگا کر واپس بھج دیتے ہیں ،وہ ملک کے نہیں عمران خان کے صدر بنے ہوئے ہیں ، عمران خان کی خوشنودی کیلئے وہ پارلیمنٹ سے منظور شدہ بلز واپس کر دیتے ہیں ۔
عمران خان کے دور میں انہوں نے ایوان صدر کو آرڈیننس فیکٹری بنایا۔ اب صدر علوی پارلیمنٹ سے منظور شدہ قانون پر بھی ذاتی اعتراضات لگا کر واپس بھیج دیتے ہیں۔ وہ ملک کے نہیں عمران خان کے صدر بنے ہوئے ہیں۔ عمران خان کو خوشنودی کے لئے وہ پارلیمنٹ سے منظور شدہ بلز واپس کر دیتے ہیں۔ 2/3
— SenatorSherryRehman (@sherryrehman) June 25, 2022
شیری رہنما کا مزید کہنا تھا کہ ترمیمی بلز پر دستخط کے وقت صدر علوی کہتے ہیں وہ اللہ تعالیٰ کے سامنے جوابدہ ہیں ، عمران خان کے کہنے پر غیر جمہوری طور پر صدارتی آرڈیننس جاری کرنے اور اسمبلی تحلیل کرتے وقت کیا صدر علوی اللہ تعالیٰ کو جوابدہ نہیں تھے؟ صدر علوی کو آئینی اور پارلیمانی معاملات میں رکاوٹ نہیں بننا چاہیے ۔
عمران خان کے دور میں انہوں نے ایوان صدر کو آرڈیننس فیکٹری بنایا۔ اب صدر علوی پارلیمنٹ سے منظور شدہ قانون پر بھی ذاتی اعتراضات لگا کر واپس بھیج دیتے ہیں۔ وہ ملک کے نہیں عمران خان کے صدر بنے ہوئے ہیں۔ عمران خان کو خوشنودی کے لئے وہ پارلیمنٹ سے منظور شدہ بلز واپس کر دیتے ہیں۔ 2/3
— SenatorSherryRehman (@sherryrehman) June 25, 2022
