سوشل میڈیا پر گردش کرنے والے 75روپے کے نوٹ کا ڈیزائن جعلی ہے،سٹیٹ بینک نے واضح کر دیا
کراچی (ڈیلی پاکستان آن لائن )سٹیٹ بینک آف پاکستان نے سوشل میڈیاپر گردش کرنے والے 75روپے کے ڈیزائن کو جعلی قرار دے دیا ہے ۔
تفصیلات کے مطابق سٹیٹ بینک آف پاکستان نے اپنے ٹویٹر اکاونٹ پر پیغام جاری کیا ہے کہ سوشل میڈیا پر گردش کرنے والے 75روپے کے یادگاری نوٹ کاڈیزائن جعلی ہے۔
#SBP clarifies that the design circulating on various social media platforms regarding commemorative banknote to be issued on the 75th independence day of Pakistan is Fake. pic.twitter.com/kI38Xs0RTN
— SBP (@StateBank_Pak) June 24, 2022
واضح رہے کہ سٹیٹ بینک آف پاکستان نے پاکستان کی 75ویں سالگرہ پر 75روپے کا یادگاری نوٹ شائع کرنے کا اعلان کیا تھا جس کے بعد سوشل میڈیا پر ایک نوٹ کا ڈیزائن بڑی تیزی سے گرد ش کر رہا تھا جس پر اب سٹیٹ بینک نے پیغام جاری کیا ہے کہ یہ ڈیزائن نقلی اور جعلی ہے ایسا کوئی ڈیزائن سٹیٹ بینک نے جاری نہیں کیا ۔
