ملک بھر میں کل سے یکم جولائی تک بارشوں کی پیشگوئی

ملک بھر میں کل سے یکم جولائی تک بارشوں کی پیشگوئی
ملک بھر میں کل سے یکم جولائی تک بارشوں کی پیشگوئی

  IOS Dailypakistan app Android Dailypakistan app

اسلام آباد(ڈیلی پاکستان آن لائن )محکمہ موسمیات نے ملک بھر میں 26 جون سے یکم جولائی کے دوران بارشوں کی پیشگوئی کردی۔
26 جون کو بحیرہ عرب اور خلیج بنگال سے مون سون ہوائیں ملک کے مشرقی علاقوں میں داخل ہوں گی، 26 جون سے یکم جولائی کے دوران سندھ میں عمرکوٹ، بدین، ٹھٹھہ،کراچی اور حیدرآباد میں بارش کا امکان ہے۔محکمہ موسمیات کے مطابق کراچی میں 2 یا 3 جولائی کو بارش ہوسکتی ہے۔اس کے علاوہ 27 جون سے یکم جولائی کے دوران اسلام آباد، راولپنڈی،لاہور اور دیگر شہروں میں بارش متوقع ہے جبکہ 26 سے 30 جون کے دوران بہاولپور ،ملتان، خانیوال، راجن پور اور رحیم یار خان میں بارش کا امکان ہے۔محکمہ موسمیات کا بتانا ہے کہ 28جون سے یکم جولائی کے دوران کے پی،گلگت بلتستان اور کشمیر میں بارشیں ہونگی جبکہ 26 سے 28 جون کے دوران لسبیلہ، خضدار، آواران، بارکھان اور نصیرآباد میں بارش کا امکان ہے۔محکمہ موسمیات کے مطابق ہوا کا کم دباوبھارتی گجرات کے جنوب میں ہے۔

مزید :

ماحولیات -