کیویز نے شاندار کھیل کا مظاہر ہ کرتے پروٹیز کو شکست سے دوچار کیا
میزبان نیوزی لینڈ کی ٹیم نے سیمی فائنل میں بھی اپنے شاندار کھیل کی بدولت جنوبی افریقہ کو شکست دیکر فائنل تک رسائی حاصل کی اور پہلی مرتبہ ورلڈ کپ کے فائنل میں پہنچنے کا اعزاز اپنے نام کیا اس سے قبل سیمی فائنل تک آنے والی ٹیم نے پہلی مرتبہ جس طرح عمدہ کھیل سے فائنل تک رسائی حاصل کی اس کی جتنی بھی تعریف کی جائے وہ قابل تعریف ہے میچ بہت کانٹے دار ثابت ہوا اور دونوں ٹیموں نے ہی بہت اچھا کھیل پیش کیا لیکن کیوی ٹیم نے جس طرح پریشر نہیں لیا اور اپنی اہلیت کو ثابت کیا وہ قابل تعریف ہے کپتان میکولم پورے ورلڈ کپ میں ہی بہترین کھلاڑی نظر آئے اور اس میچ میں بھی انہوں نے جس طرح اننگز کا آغاز کیا اور بیٹنگ کی اس کی بدولت بعدمیں بیٹسمینوں کو ہدف حاصل کرنے میں مدد ملی اور مشکل پیش نہیں آئی بہرحال یہ ایک بہت اچھا مقابلہ تھا اور دونوں ٹیموں نے ہی شائقین کرکٹ کو محظوظ کیا اب نیوزی لینڈ کے مدمقابل فائنل میں کون سی ٹیم آتی ہے اس کا فیصلہ اب کل کھیلے جانے والے دوسرے سیمی فائنل میں ہوگا جس میں بھارت اور آسٹریلیا کی ٹیمیں میدان میں اتریں گی اب تک ناقابل شکست رہنے والی نیوزی لینڈ کی ٹیم کیا ورلڈ کپ کے فائنل میں بھی اپنی جیت کا تسلسل برقرار کھنے میں کامیاب ہوتی ہے کہ نہیں یہ تو فائنل میچ کے بعد یہ پتہ چلے گا لیکن اگر اس نے یہ کارنامہ سر انجام دے دیا تو یہ ایک ریکارڈ بن جائے گا نیوزی لینڈ کی ٹیم کے بعد بھارتی ٹیم بھی اب تک ناقابل شکست ہے جنوبی افریقہ اور نیوزی لینڈ کے درمیان کھیلے گئے سیمی فائنل میچ میں دونوں ٹیموں کے کھلاڑیوں نے خوب جان لڑائی کیوی ٹیم نے میچ کے کسی بھی وقت پریشر نہیں لیا افریقہ کی ٹیم آج تک فائنل تک رسائی حاصل نہیں کرسکی اور اس مرتبہ بھی اس کی امیدوں پر پانی پھر گیا بہرحال انہوں نے کوشش ضرور کی اور ان کے کئی کھلاڑیوں نے ایسی پرفارمنس دکھائی جس کی ان سے امید کی جارہی تھی نیوزی لینڈ کے بیٹسمینوں نے بعد میں کھیل کر بھی ایک بہت بڑا سکور حاصل کرکے اپنی صلاحیتوں کا لوہا منوایا ہے اس میچ کو شائقین کرکٹ مدتوں یاد رکھیں گے ۔
