شو میں لوگوں کو موٹر سائیکلیں بانٹنے والے فہد مصطفیٰ کو شعیب اختر نے موٹر سائیکل دینے کی پیشکش کر دی
کراچی (ویب ڈیسک) قومی کرکٹ ٹیم کے سابق فاسٹ بولر شعیب اختر نے اداکار فہد مصطفی کو اُن کی 6 گیندوں کا سامنا کرنے پر موٹر سائیکل کی آفر کردی۔
مقامی اخبار جنگ نیوز کی رپورٹ کے مطابق گزشتہ روز شعیب اختر نے فہد مصطفی کی کرکٹ کھیلنے کی وائرل ویڈیو پر ردعمل دیتے ہوئے کہا تھا کہ فہد مصطفیٰ اپنی صلاحیتوں کے لحاظ سے غلط پیشے میں ہیں انہیں کرکٹ کھیلنی چاہئے۔
Na karen wont be able to sleep for sometime ????@shoaib100mph ???? https://t.co/An1YOuMRbd
— Fahad Mustafa (@fahadmustafa26) May 24, 2021
انہوں نے فہد مصطفی کو کہا تھا کہ’آئیں اور کرکٹ میں پاکستان کی نمائندگی کریں لیکن پہلے نیٹ میں ہی میرا سامنا کرلیں۔‘
شعیب اختر کے اس پیغام پر فہد مصطفیٰ نے جواب دیا کہ وہ ایسا نہ کریں کیونکہ اس سے ان کی کچھ دن کی نیند اُڑ جائے گی۔
شعیب اختر بھی فہد مصطفیٰ کے اس خوف کو انجوائے کرنے لگے اور کہا کہ اگر آپ نے میری 6 گیندیں کھیل لی تو موٹر سائیکل آپ کو دوں گا۔‘
