پولیس نے پی ٹی آئی رہنما کے گھر سے اسلحے کی بڑی کھیپ تحویل میں لے لی

لاہور (ڈیلی پاکستان آن لائن ) لاہور میں پولیس نے پاکستان تحریک انصاف کے رہنما بجاش نیازی کے گھر پر چھاپہ مار کر اسلحے کی بڑی کھیپ قبضے میں لے لی ۔

ڈی آئی جی آپریشنز کے مطابق ہمارے پاس اطلاعات تھیں کہ اسلحہ لاہور لایا جا رہا ہے ،  کل رات موٹر وے کے قریب گاڑیوں کا تعاقب کیا گیا جن میں اسلحہ تھا ،  گاڑیاں ایک سوسائٹی میں جا کر بجاش نیازی کے گھر پر رکیں ، پولیس نے گاڑیوں سے بڑی تعداد میں  اسلحہ برآمد کرلیا ۔

پولیس کے مطابق برآمدہ اسلحہ میں 13 ایس ایم جی رائفلز ، 3 پستول اور سینکڑوں گولیاں شامل ہیں ۔ ڈی آئی جی آپریشنز کے مطابق 162 کے قریب افراد کا نام مختلف لسٹوں میں ہے ان 162 افراد کو حراست میں لے لیا گیا ہے ۔ 

ڈی آئی جی آپریشنز نے واضح کیا کہ اعجاز چودھری ، محمود الرشید کو حفاظتی تحویل میں لیا گیا ہے ۔