پی ٹی آئی کے کارکنوں نے داتا دربار کے قریب سے رکاوٹیں ہٹا کر ٹریفک بحال کر دی
لاہور ( ڈیلی پاکستان آن لائن ) پاکستان تحریک انصاف کے کارکنوں نے لاہور کے بتی چوک کے بعد داتا دربار کے قریب سے بھی رکاوٹیں ہٹا کر سڑک کو ٹریفک کیلئے کلیئر کر دیا۔
ویب سائٹ سیاست ڈاٹ پی کے کے مطابق داتا دربار کے قریب رکاوٹیں کھڑی کر کے سڑک کو ٹریفک کیلئے بند کر دیا گیا ، زبیر نیازی کی قیادت میں پی ٹی آئی کے کارکنوں نے رکاوٹوں کو ہٹا کر سڑک کو ٹریفک کیلئے بحال کر دیا جس کی ویڈیو بھی شیئر کی گئی ۔
داتا دربار کے قریب تحریک انصاف کے کارکنوں نے سڑک پر ٹریفک بحال کر دی#Lahore #AzadiMarch pic.twitter.com/kaygYI7RXc
— Siasat.pk (@siasatpk) May 25, 2022
ویڈیو میں بتایا گیا کہ پولیس وہاں سے بھاگ چکی ہے جس کے بعد پی ٹی آئی کے کارکن رکاوٹوں کو ہٹا کر سڑک بحال کر رہے ہیں ۔ ویڈیو میں کوئی پولیس اہلکار نظر نہیں آرہا جبکہ پی ٹی آئی کے رہنما زبیر نیازی اور دیگر کارکن ٹریفک کو بحال کر رہے ہیں ۔
This is a Revolution. You can't stop it . Shabash Lahorio ????❤️#WeAreComingKaptaan#حقیقی_آزادی_مارچpic.twitter.com/qCPiQM0Nmd
— Absolutely Not (@Absolutely_Not9) May 25, 2022
خیال رہے کہ اس سے قبل پی ٹی آئی کارکنوں نے بتی چوک پر کھڑی رکاوٹیں ہٹا دیں تھیں ۔ پی ٹی آئی کے کارکن اسلام آباد جانے کیلئے بتی چوک پہنچے جہاں پولیس نے رکاوٹیں کھڑی کر رہی تھیں، کارکنوں کی جانب سے طاقت کا استعمال کیا گیا اور پولیس کی کھڑی کی گئی رکاوٹیں ہٹا دی گئیں۔
پولیس کی جانب سے جوابی کارروائی کرتے ہوئے کارکنوں پر لاٹھی چارج کیا گیا اور آنسو گیس کی شیلنگ کی گئی ، دونوں اطراف سے طاقت کے استعمال سے علاقہ میدان جنگ کا منظرپیش کر رہا ہے ۔