"پنجاب پولیس نے ہمارے کارکن کو راوی پل سے نیچے پھینک کر شہید کردیا" پی ٹی آئی کا الزام
لاہور (ڈیلی پاکستان آن لائن) پاکستان تحریک انصاف (پی ٹی آئی) کی جانب سے الزام عائد کیا ہے کہ پنجاب پولیس نے ان کے ایک کارکن کو راوی پل سے نیچے پھینک کر شہید کردیا۔
سابق وزیر اعلیٰ پنجاب سردار عثمان بزدار کے سابق فوکل پرسن برائے ڈیجیٹل میڈیا اظہر مشوانی نے جاں بحق کارکن کی تصویر شیئر کرتے ہوئے الزام عائد کیا کہ اس کو پنجاب پولیس نے راوی پل سے نیچے پھینک کر شہید کیا ہے۔ اپنے ایک ٹویٹ میں اظہر مشوانی نے کہا " لاہور پولیس نے راوی پل پر سے نیچے پھینک کر تحریک انصاف کے ورکر فیصل عباس کو شہید کر دیا، کرائم منسٹر سے لے کرامپورٹڈ سیٹ اپ کے تمام آلہ کاروں اور لاہور پولیس کے تمام ذمہ داران سے ان شاء اللہ حساب لیا جائے گا اور فیصل عباس کو انصاف دلائیں گے۔"
لاہور پولیس نے راوی پل پر سے نیچے پھینک کر تحریک انصاف کے ورکر فیصل عباس کو شہید کر دیا
— Azhar Mashwani (@MashwaniAzhar) May 25, 2022
کرائم منسٹر سے لے کرامپورٹڈ سیٹ اپ کے تمام آلہ کاروں اور لاہور پولیس کے تمام ذمہ داران سے انشأللہ حساب لیا جائے گا اور فیصل عباس کو انصاف دلائیں گے pic.twitter.com/lD0KY2a8eW