زمان پارک جانےوالے راستوںکی بندش کےخلاف درخواست پر پنجاب حکومت سے آج رپورٹ طلب
لاہور( نامہ نگار خصوصی)لاہور ہائیکورٹ کے جسٹس عابد عزیز شیخ نے زمان پارک کی طرف جانےوالے راستے پولیس کی جانب سے بند کرنے کےخلاف درخواست پر حکومت پنجاب سے آج رپورٹ طلب کرلی، سول سوسائٹی نیٹ ورک کے سربراہ عبداللہ ملک نے درخواست میں موقف اپنایا کہ آئین پاکستان کے تحت ہرشہری کو نقل وحرکت کی آزادی ہے،پولیس اور ضلعی انتظامیہ نے زمان پارک کی طرف جانے والے راستے تجاوزات کے خاتمے کےنام پر بند کررکھے ہیں،راستوں کی بندش سے لاہور کی مصروف ترین شاہراﺅں کی ٹریفک متبادل راستوں سے گزاری جارہی ہے،راستوں کی بندش سے عام شہری شدید مشکلات اور پریشانی کاسامنا کررہے ہیں، انتظامیہ راستے بند کرکے بنیادی حقوق کی سنگین خلاف ورزی کی مرتکب ہورہی ہے، استدعا ہے کہ عدالت پولیس اور انتظامیہ کو زمان پارک کےاطراف راستےفوری طور پر کھولنے کے احکامات صادرکرے۔
راستوںکی بندش
