شہر کے چار میں سے دو ماڈل قبرستانوں کی تعمیر مکمل

لاہور(اپنے نمائندہ سے)نگراں وزیر بلدیات ابراہیم مراد نے کہا ہے کہ پنجاب میں پانچ ماڈل قبرستانوں کی تیاری کے لئے40 کروڑ روپے کے فنڈز جاری کر دئیے گئے۔ لاہور شہر کے چار میں سے دو ماڈل قبرستانوں کی تعمیر مکمل کر لی گئی ہے۔یہ قبرستان بھائی کوٹ رائے ونڈ روڈ اور صوئے آصل بیدیاں روڈ پر بنائے گئے ہیں دیگر دو ماڈل قبرستان گنج شریف کاہنہ نو روڈ اور آہلو کاچھا روڈ پر بنائے جا رہے ہیں۔ ابراہیم مراد نے بتایا کہ لاہور کے ماڈل قبرستانوں کے لئے تین ایمبولینس گاڑیاں ریسکیو 1122 کے حوالے کر دی گئی ہیں۔ میتوں کے لواحقین کے ماڈل قبرستانوں تک جانے کے لئے پانچ بسیں مہیا کی جائیں گی۔ وزیر اعلی نے نادارافراد کیلئے ماڈل قبرستانوں میں تدفین کیلئے 10ہزار روپے چارجز ختم کردئیے۔ عام لوگوں کے لئے تدفین کی فیس 10 ہزار سے کم کر کے 35 سو روپے کر دی گئی۔ شہری ماڈل قبرستان کی ایمبولینس سروس کے لیے ہیلپ لائن 1190پر رابطہ کرسکیں گے۔ ماڈل قبرستانوں میں قبریں ایکسکویٹر کے ذریعے کھودی جاتی ہے۔ سب قبریں ایک ہی سائز اور طرز کی بنائی جا رہی ہیں۔ ہر ماڈل قبرستان میں اوسطاً 12 ہزار قبریں بنائی جا سکیں گی۔ صوئے آصل بیدیاں روڈ ماڈل قبرستان 276 کنال پر محیط ہے۔ یہاں 18ہزار قبرین بنانے کی گنجائش ہو گی۔

عشق میں دل ہی نہیں سر بھی دیئے جاتے ہیں ۔۔۔