ملک بھر میں آج  یوم تکریم شہداء منایا جائیگا 

  اسلام آباد (این این آئی) ملک بھر میں یوم تکریم شہداء (آج)جمعرات25مئی کو منایا جائیگا۔تفصیلات کے مطابق حکومت نے 25 مئی کویوم تکریم شہدا پاکستان منانے کا فیصلہ کیا۔اس دن کو منانے کا مقصد شہدا کی لازوال قربانیوں کی یاد تازہ کرنا ہے، قوم کو پیغام دینا ہے شہدا، ان کی فیملیز اور یادگاروں کا احترام ہر پاکستانی کا فخر ہے۔25مئی کو شہدا پاکستان کی بے لوث قربانیوں کو خراج تحسین پیش کرنے کیلئے دن منایا جائیگا، ملک بھر میں شہدا کے ایصال ثواب کیلئے قرآن خوانی اور دعائیں ہوں گی جبکہ افواجِ پاکستان، پولیس اور دیگر قانون نافذ کرنے والے اداروں کی یادگارِ شہدا پر سلامی دی جائے گی۔جی ایچ کیو، ایئر اور نیول ہیڈکوارٹرز اور دیگر متعدد یادگار شہدا پر تقریبات ہوں گی جبکہ صوبائی دارالخلافہ، آزاد کشمیر اور گلگت بلتستان میں بھی یادگار شہدا پر تقریبات ہوں گی۔خیال رہے کہ 9 مئی کو شرپسندوں نے پاک فوج شہدا کے مجسمے توڑ کر بے حرمتی کی تھی اور جی ایچ کیو سمیت لاہور میں جناح ہاس پر بھی مشتعل افراد نے دھاوا بولا تھا۔

' سیاست یا مذہب جیسے حساس موضوعات پر بات نہ کریں، امریکہ نے پاکستان آنے والے اپنے شہریوں کو ٹریول ایڈوائزری جاری کردی

یوم تکریم شہداء