مردان شہر میں جگہ جگہ تکریم ناموس شہداء ریلیاں نکالی گئیں
مردان(بیورورپورٹ) مرکزی تنظیم تاجران (ظاہر شاہ گروپ) کے زیراہتمام شہر میں جگہ جگہ تکریم ناموس شہداء ریلیاں نکالی گئی سینکڑوں تاجروں نے پی آرسی چوک سے پنجاب رجمنٹ سنٹر کے گیٹ تک مارچ کیا قومی ترانہ پیش کیاگیا پاکستان اور پاک فوج زندہ باد کی زبردست نعرہ بازی کرکے فوجی جوانوں پر گل پاشی کی گئی تفصیلات کے مطابق مرکزی تنظیم تاجران ظاہر شاہ گروپ کے زیر اہتمام منگل کی شام پاک فوج کے حق میں جگہ جگہ تکریم ناموس شہداء ریلیاں نکالی گئیں مرکزی ریلی پی آرسی چوک کے قریب پارک سے صوبائی جنرل سیکرٹری اور مرکزی تنظیم تاجران کے صدر ظاہرشاہ کی قیادت میں نکالی گئی ریلی میں تاجروں نے پلے کارڈز اور قومی جھنڈیاں اٹھارکھی تھیں پلے کارڈز پر پاک فوج زندہ باد اورکے پی پولیس زندہ باد کے نعرے درج تھے ریلی پارک سے ظاہر شاہ،مرکزی تنظیم کے چیئرمین غلام سرور صراف،جنرل سیکرٹری وقار باچہ،جے یوپی کے صوبائی صدر حاجی فیاض خان اوردیگر کی قیادت میں روانہ ہوئی شرکاء پاک فوج زندہ باد کی فلک شگاف نعرے لگاتے ہوئے پنجاب رجمنٹ سنٹر ایوب گیٹ پہنچے جہاں نومئی کو شرپسندوں نے کارگل کے ہیرو کرنل شیرخان شہید کا مجسمہ جلاکر توڑ پھوڑ کی تھی وہاں تاجروں نے فوج کے حق میں زبردست نعرہ بازی کی اس دوران پاک فوج کے جوان ریلی میں گھل مل گئے تاجروں نے فوجی جوانوں پر گل پاشی کی ریلی میں قومی ترانہ پیش کیاگیا اور شرکاء نے شہداء کو سیلوٹ پیش کئے اس موقع پر خطاب کرتے ہوئے صدرظاہرشاہ نے کہاکہ پاک فوج ہمارے سرحدوں کے نگہباں ہیں آزمائش کی ہر گھڑی میں ہماری افواج قوم کی خواہشات اور امنگوں پر پوری اتری ہے انہوں نے کہاکہ دہشت گردی کے خلاف جنگ میں ہماری فورسسز کی قربانیاں لازوال ہیں ظاہر شاہ نے کہاکہ شرپسند کسی قسم کے رورعایت کے قابل نہیں ان کو نشانہ عبرت بنایاجائے مقررین نے کہاکہ پاک فوج مشکل اورمصیبت کی ہر گڑھی میں عوام کے ساتھ رہی ہے انہوں نے کہاکہ قوم کا بچہ بچہ پاک فوج کے ساتھ ہے ہمیں اپنی افواج پر فخر ہے۔
