”شہدا ءکی لازوال قربانیوں کو کبھی فراموش نہیں ہونے دیا جاسکتا“یوم تکریم شہدائے پاکستان پر عسکری قیادت کا شہدا ءکو خراج عقیدت
راولپنڈی(ڈیلی پاکستان آن لائن)ملک بھر میں آج یوم تکریم شہدائے پاکستان منایاجا رہا ہے،چیئرمین جوائنٹ چیفس آف سٹاف کمیٹی جنرل ساحر شمشاد مرزا، ریٹائرڈ افسران اور سول سوسائٹی نے شہداء کو خراج عقیدت پیش کیا ہے۔
پاک فوج کے شعبہ تعلقات عامہ آئی ایس پی آر کا کہناہے کہ شہداء نے مادر وطن کی حفاظت کیلئے اپنی جانوں کی عظیم قربانیاں دیں ،دشمن کے پروپیگنڈے سے قطع نظر شہداء کو کبھی فراموش نہیں کیا جائے گا۔
جانوں کا نذرانہ پیش کرنے والوں کو زبردست خراج عقیدت کرتے ہوئے آئی ایس پی آر نے کہاکہ شہداء کی قربانیاں وطن عزیز کی نسلوں کو متاثر کرتی رہیں گی،آج کا دن قوم کا شہدا ءکو خراج عقیدت پیش کرنے کادن ہے،پاکستان کے نظریات کو برقرار رکھنے کیلئے جانیں نچھاور کیں،شہدا ءپاکستان ہمارے ہیرو اور عظیم اثاثہ ہیں ۔
آئی ایس پی آر کامزید کہناہے کہ شہداء کی لازوال قربانیوں کو کبھی فراموش نہیں ہونے دیا جاسکتا،شہداء کی لازوال قربانیوں کو کبھی کسی کو حقیر نہیں ہونے دیا جاسکتا،آئی ایس پی آر کاکہناہے کہ قوم فخر اور عزم کرتی ہے کہ ملک قابل فخر خاندانوں کا مقروض رہے گا، کچھ بھی ہوجائے ، شہدا ءہمارافخر تھے، ہیں اور رہیں گے ۔
