آرٹیفیشل انٹیلی جنس ’دو دھاری تلوار‘ جیسی ہے ،مستقبل میں صرف ’ڈرون جنگیں‘ہوں گی ، ایلون مسک نے اہم پیشگوئیاں کر دیں
نیو یارک ( ڈیلی پاکستان آن لائن ) مستقبل میں صرف ’ڈرون جنگیں‘ہوں گی ،معروف امریکی کمپنی ٹیسلا کے بانی ایلون مسک نے مستقبل کی جنگوں کے بارے میں اہم پیشگوئیاں کر دیں ۔لندن میں منعقد ہونے والے ’وال اسٹریٹ جرنل کے سی ای او کونسل سمٹ‘ سے ورچوئلی بات کرتے ہوئے ایلون مسک نے کہاکہ جو کچھ بھی ہم کر رہے ہیں اس کے لیے آرٹیفیشل انٹیلیجنس ضروری نہیں ہے، یہ ٹیکنالوجی بالکل’دو دھاری تلوار‘ جیسی ہے۔مستقبل میں ٹیکنالوجی بنانے والے ممالک جوکہ آرٹیفیشل انٹیلیجنس سے کنٹرول کیے جانے والے مسلح ڈرون بڑے پیمانے پر تیار کرنے کے قابل ہوں گے، ان کے درمیان صرف ’ڈرون جنگیں‘ہوں گی۔
"جنگ " کے مطابق مسک نے اپنی عجیب و غریب پیشگوئیاں کرتے ہوئے کہا کہ اگر آپ کے پاس کوئی جن ہے جو آپ کو کچھ بھی دے سکتا ہے، آپ کو ایک خطرہ پیش کرتا ہے۔دنیا بھر کی حکومتوں سے توقع ہے کہ وہ کسی بھی چیز سے پہلے ہتھیار تیار کرنے کے لیے آرٹیفیشل انٹیلیجنس کا استعمال کریں۔ لہٰذا صرف میدانِ جنگ میں زیادہ جدید ہتھیاروں کا ہونا جو کسی بھی انسان سے زیادہ تیزی سے رد عمل کا اظہار کر سکتے ہوں صرف آرٹیفیشل انٹیلیجنس کے ذریعے ممکن ہوسکے گا۔ ترقی یافتہ ممالک یا کم از کم ڈرون ٹیکنالوجی کی صلاحیت رکھنے والے ممالک کے درمیان مستقبل میں ہونے والی جنگیں ’ڈرون جنگیں‘ ہوں گی۔
