سارک کے موثرہونے میں پاکستان اور بھارت کے مسائل رکاوٹ ہیں: وزیراعظم

سارک کے موثرہونے میں پاکستان اور بھارت کے مسائل رکاوٹ ہیں: وزیراعظم
سارک کے موثرہونے میں پاکستان اور بھارت کے مسائل رکاوٹ ہیں: وزیراعظم

  

کھٹمنڈو (مانیٹرنگ ڈیسک) وزیراعظم نواز شریف نے کہا ہے کہ باہمی مذاکرات کے معاملے پر گیند بھارت کی کورٹ میں ہے، مذاکرات کے خاتمے کا بھی اب بھارت سے ہی پوچھا جانا چاہئے۔ تفصیلات کے مطابق وزیراعظم پاکستان نواز شریف سارک کانفرنس میں شرکت کیلئے کھٹمنڈو پہنچے جہاں نیپال کے نائب وزیراعظم نے ان کا استقبال کیا۔ وزیراعظم نواز شریف کو گارڈ آف آنر پیش کیا گیا اور مختلف رہنماﺅں سے ملاقات کی۔ اس موقع پر نواز شریف سے میڈیا سے گفتگو کرتے ہوئے کہا کہ سارک کو یورپی یونین کی طرح موثر بنایا جا سکتا ہے تاہم اس میں پاکستان اور بھارت کے مسائل رکاوٹ ہیں۔ سیکرٹری خارجہ سطح پر مذاکرات کافیصلہ بھارت نے یکطرفہ طور پر ختم کر دیا اور باہمی مذاکرات کے معاملے پر گیند بھارت کی کو رٹ میں ہے، پاکستان کے پاس سارک کو موثر بنانے کی تجاویز ہیں اور ہم رکاوٹیں دور کرنا چاہتے ہیں۔ وزیراعظم نواز شریف نے کہا کہ بھارت کے ساتھ باہمی عزت و احترام کی بنیاد پر مذاکرات چاہتے ہیں۔

مزید : قومی /اہم خبریں