آلو کے وہ حیران کن استعمال جو آپ نے کبھی سوچے بھی نہیں ہوں گے

آلو کے وہ حیران کن استعمال جو آپ نے کبھی سوچے بھی نہیں ہوں گے
آلو کے وہ حیران کن استعمال جو آپ نے کبھی سوچے بھی نہیں ہوں گے

  

لندن(نیوزڈیسک)آپ نے آلو پکاکر توکئی بار کھائے ہوں گے لیکن اس کے کچھ استعمال کھانے کے علاوہ بھی ہیں،آئیے آپ کوکچھ ایسے استعمالات کے بارے میں بتاتے ہیں۔

خوبصورت مہر بنانے کے لئے

بچوں کو بازار سے مہنگے ڈیکوریشن کے نشانات ثبت کروانے کی بجائے گھر پر ہی آلوﺅں کو کاٹ کر ڈیزائن تیار کریں اور پیسے بچائیں۔یہ مضر صحت بھی نہیں اور ساتھ پیسوں کی بچت بھ ہوجائے گی۔

سلورکے برتنوں کوچمکانے کے لئے

اگر آپ مہنگے صابن سے سلور کے برتن چمکانے کی کوشش کرتے ہیں اور پھر بھی وہ صاف نہیں ہوتے تو آپ کو چاہیے کہ آلو کا استعمال کریں۔دو یا تین آلو سلور کے برتن میں ڈال کرابالیں اور جب وہ ابل جائیں تو آلوﺅں کو نکال کر پانی کو برتن میں ایک گھنٹہ تک پڑا رہنے دیں،اس کے بعد برتن کو صابن سے صاف کریں گے تو وہ چمک جائیں گے۔

زنگ صاف کرنے کے لئے

اگر کسی جگہ بھری زنگ موجود ہو تو آلو رگڑیں، تھوڑی ہی دیر بعد زنگ صاف ہونے کے بعد مذکورہ جگہ چمک جائے گی۔

آنکھوں کے لئے

اگر صبح اٹھتے ہوئے آنکھیں چپک جاتی ہیں یا ان میں تھکن رہتی ہے تو اٹھنے کے بعد آلو کاٹ کر ان پر رکھیں،آپ اپنے آپ کو تازہ دم محسوس کریں گے۔

آلو کا جوس

ماہرین صحت کا کہنا ہے کہ اگر آلوﺅں کو بغیر چھیلے ان کا جوس بناکر پیا جائے تو اس سے دل کی دھڑکن کنٹرول میں رہتی ہے اور ساتھ ہی زخم جلد مندمل ہوجاتے ہیں۔

پٹھوں کی درد کے لئے

اگر آپ اپنے جسم کو ٹھنڈی یا گرم چیز سے ٹکور کرنا چاہتے ہیں تو آلو کو ابال لیں اور کپڑے میں رکھ کر تکلیف والی جگہ لگائیں،اگر ٹھنڈی ٹکور کرنی ہوتو آلوکو فریزر میں رکھیں اور ٹھنڈا ہونے پر استعمال کریں۔

ہانڈی میں نمک کم کرنے کے لئے

اگر کھانا پکاتے ہوئے ہانڈی میں نمک زیادہ ہوجائے تو چند کچے آلوکاٹ کر ڈالنے سے ذائقہ نارمل ہوجاتا ہے۔

مزید :

ڈیلی بائیٹس -