دہشتگردوں کی معاونت ،امریکی عدالت نے پاکستانی نژاد برطانوی کو 40سال قید سنا دی

دہشتگردوں کی معاونت ،امریکی عدالت نے پاکستانی نژاد برطانوی کو 40سال قید سنا ...
دہشتگردوں کی معاونت ،امریکی عدالت نے پاکستانی نژاد برطانوی کو 40سال قید سنا دی

  

نیویارک(مانیٹرنگ ڈیسک ) امریکی عدالت نے پاکستانی نژاد برطانوی نوجوان عابد نصیر کو چالیس سال قید کی سزا سنادی، عابد نصیر پر برطانیہ میں دہشت گردی کے حملوں کی منصوبہ بندی کے الزامات تھے۔نیویارک میں عدالت نے پاکستانی نژاد برطانوی نوجوان عابد نصیر کو القائدہ کے ساتھ مالی تعاون، مانچسٹر شاپنگ مال اور نیویارک کے سب وے میں بم دھماکے کی سازش اور ڈنمارک میں حملو ں کی منصوبہ بندی کا مجرم قرار دے کر سزا سنائی گئی۔

عابد نصیر پر رواں سال کے اوائل میں مانچسٹر میں دہشتگردی کے منصوبے میں القاعدہ کی مدد کرنے پر فرد جرم عائد کی گئی تھی جس میں الزام لگایا گیا تھا کہ وہ بیرونی دہشت گرد گروپ کی مدد کرنے اور اس کے تعاون سے نیویارک اور واشنگٹن سب وے پر حملوں کی منصوبہ بندی میں بھی ملوث ہے اسی لیے اس کے خلاف مقدمہ برطانیہ کے بجائے امریکہ میں چلایا گیا، جہاں نیویارک کی عدالت نے اسے چالیس سال قید کی سزا سنائی۔یاد رہے کہ عابد نصیر کو 2009 میں مانچسٹر پولیس نے گرفتار کیا تھا اور 2013 میں اسے امریکہ کے حوالے کر دیا گیا۔

مزید : بین الاقوامی