پارٹی کارکن بلدیاتی انتخابات کی تیاری کریں،پرویز الٰہی

پارٹی کارکن بلدیاتی انتخابات کی تیاری کریں،پرویز الٰہی

  



فیصل آباد (آن لائن) سپیکر پنجاب اسمبلی اورپاکستان مسلم لیگ (ق) کے مرکزی سینئررہنما چوہدری پرویز الہیٰ نے کہا ہے کہ پارٹی کارکنان بلدیاتی انتخابات کی تیاری کریں۔ق لیگ آنے والے بلدیاتی انتخابات میں بھرپور حصہ لے گی۔ حکومت کی کارکردگی سے مطمئن ہیں۔گزشتہ حکومت کے پیداکردہ بحرانوں کے باوجود اپنے جدوجہد جاری رکھے ہوئے ہیں انشاء اللہ آنیوالا سال پاکستان میں بہتری لیکر آئیگا۔ اس وقت حکومت کی ساری توجہ مہنگائی کنٹرول کرنے کی طرف ہے آئندہ سال میں مہنگائی کو کنٹرول کرلیاجائیگا۔ ان خیالات کااظہار انہوں نے ضلعی صدر پاکستان مسلم لیگ(ق)فیصل آباد رانا محمد عظیم خاں سے خصوصی ملاقات کرتے ہوئے کیا۔حافظ محمد ارشد اور دیگر بھی اس موقع پر موجود تھے۔رانا محمد عظیم خاں نے کہاکہ میں مسلم لیگ (ق) کے صدر چوہدری پرویز الہٰی کا بے حد مشکور ہوں جنہوں نے مجھے پنجاب کے تیسرے بڑے شہر فیصل آباد کا ضلعی صدر مقررکیا ہوا ہے۔ ہمارا صرف ایک ہی مشن ہے کہ ہم پارٹی کیلئے خدمات کرینگے اور پاکستان مسلم لیگ (ق) کو2002ء والی پارٹی بنائیں گے۔ مسلم لیگ (ق) کا مقصد صرف اور صرف عوام کی خدمت کرنا ہے۔ جتنے ترقیاتی کام پاکستان مسلم لیگ (ق) کے دور اقتدار میں ہوئے تھے آج بھی عوام چوہدری برادران کو یاد کررہے ہیں۔ انہوں نے مزید کہاکہ قائدین کی مشاورت بہت جلد پنجاب بھرمیں تنظیم سازی کا عمل شروع کردیا جائیگا۔ پرانے کارکن ہمارے ماتھے کا جھومر ہیں اور بلدیاتی انتخابات میں انہیں نظ انداز نہیں کیا جائے گا۔

پرویز الہٰی

مزید : صفحہ اول