گوگل کا اپنے ڈوڈول کے ذریعے پروین شاکر کو خراج عقیدت 

  گوگل کا اپنے ڈوڈول کے ذریعے پروین شاکر کو خراج عقیدت 

  



لاہور(این این آئی)محبت اور خوشبوں کے رنگ بکھیرنے والی معروف شاعرہ پروین شاکر کی 67 ویں سالگرہ کے موقع پر گوگل نے اپنے ڈوڈل کے ذریعے انہیں خراج عقیدت پیش کیا ہے۔انسانی جذبات و احساسات کو لفظوں میں پرونے والی شاعرہ آج بھی اہل ذوق کے دلوں میں زندہ ہے۔ 24 نومبر 1954 کو پاکستان کے شہر کراچی میں پیدا ہونے والی اس شاعرہ کے خاندان میں کئی نامور شعرا اور ادیب پیدا ہوئے۔پروین شاکر کے والد کا نام سید شاکر حسن تھا، آپ کے نانا حسن عسکری نے انہیں ادبی دنیا میں روشناس کرانے میں اہم کردار ادا کیا۔وہ تعلیمی دور سے ہی اردو مباحثوں اور مختلف علمی ادبی پروگراموں میں شرکت کرتی رہیں، تعلیم مکمل کرنے کے بعد نو برس شعبہ تدریس سے منسلک رہیں۔شاعری کی دنیا میں انہیں احمد ندیم قاسم جیسے ادیب کی سرپرستی حاصل رہی، پروین شاکر کی معروف کتابوں میں خوشبو، صد برگ، خود کلامی، انکار اور ماہ تمام شامل ہیں۔اپنی شاعری سے ادبی دنیا میں نام بنانے والی شاعرہ دسمبر 1994 میں اسلام آباد میں ایک ٹریفک حادثے میں انتقال کر گئیں۔

پروین شاکر

مزید : صفحہ اول