پولیس ون ویلنگ کے خطرناک کھیل کو روکنے میں ناکام

پولیس ون ویلنگ کے خطرناک کھیل کو روکنے میں ناکام

  



لاہور(کرائم رپورٹر) پنجاب پو لیس کی جانب سے موٹر سائیکل ون ویلنگ پر لگا ئی جا نے والی پا بندی کو نوجوانوں نے ہوا میں اڑا دیا، اتوار کے روز مختلف مقامات پر موٹر سائیکل ون ویلنگ،ریس لگانے کے واقعات رونما ہوئے، پولیس اس خطرناک کھیل کو روکنے میں بری طرح ناکام ہو گئی۔شہر کے پوش علاقوں گلبرگ،غالب مارکیٹ، کینال ویو،جیل روڈ،فیروز پور روڈ، وحدت روڈ ڈیفنس روڈ،مال روڈ،فیروز پور روڈ،فوٹرس اسٹیڈیم پر منچلے موٹر سائیکلوں پر کرتب کرتے رہے ریس لگانے والے نوجوانوں نے سڑکوں پر قبضہ کررکھا تھا۔

 مال روڈ،گلبرگ لبرٹی مارکیٹ میں نوجوان ٹولیوں کی شکل میں موجود تھے دو کلو میٹر موٹر سائیکل ریس پر لاکھوں روپے کا جوا بھی ء لگایا گیا جبکہ ایم ایم عالم روڈ،فردوس مارکیٹ مال روڈ پر درجنوں موٹر سائیکلوں کی ریس ہوتی رہی ٹریفک وارڈنز کی موجودگی میں منچلے ہلڑ بازی کرتے ہوئے نظر آتے رہے شور و غل ہلڑبازی خواتین سے بدتمیزی کے واقعات رونما ہوئے۔

مزید : علاقائی