کون سا موبائل فون امپورٹ کرنے پر کتنا ٹیکس لگے گا؟ اب آپ باآسانی خود ہی معلوم کرسکتے ہیں

کون سا موبائل فون امپورٹ کرنے پر کتنا ٹیکس لگے گا؟ اب آپ باآسانی خود ہی معلوم ...
کون سا موبائل فون امپورٹ کرنے پر کتنا ٹیکس لگے گا؟ اب آپ باآسانی خود ہی معلوم کرسکتے ہیں

  



اسلام آباد(مانیٹرنگ ڈیسک) 15جنوری 2019ءکو پاکستانی حکومت نے بیرون ملک سے لائے جانے والے موبائل فونز پر ٹیکس عائد کر دیا تھا،جس کے بعد سے پاکستانی شہری اس مخمصے کا شکار ہیں کہ کس فون پر انہیں کتنا ٹیکس دینا پڑے گا۔ اب ایک ایسی ایپلی کیشن متعارف کروا دی گئی ہے جس کے ذریعے صارفین گھر بیٹھے اپنے موبائل فون پر ہی معلوم کر سکتے ہیں کہ وہ اپنی پسند کا جو فون پاکستان لا رہے ہیں یا منگوا رہے ہیں اس پر انہیں کتنا ٹیکس دینا ہو گا۔ ویب سائٹ ramizansari.com کے مطابق اس ایپلی کیشن کا نام ’موبائل امپورٹ ٹیکس/ڈیوٹی کیلکولیٹر‘ رکھا گیا ہے۔

اس ایپلی کیشن میں آپ کو اپنے مطلوبہ فون کی قیمت داخل کرنی ہو گی جسے کیلکولیٹ کرنے کے بعد یہ ایپلی کیشن آپ کو اس پر عائد تمام ٹیکسز کے بارے میں بتا دے گی کہ اس پر کون کون سے ٹیکس عائد ہوں گے اور کتنے ہوں گے اور مجموعی طور پر آپ کو کتنی قیمت ادا کرنی پڑے گی۔ ایپلی کیشن میں روپے اور ڈالر کی قیمت جاننے کا آپشن بھی موجود ہے جس کے ذریعے صارفین اسی وقت ڈالر کی قیمت بھی دیکھ سکیں گے اور معلوم کر سکیں گے کہ روپے میں انہیں کتنی رقم ادا کرنی ہو گی۔یہ ایپلی کیشن گوگل پلے سٹور پر ڈاﺅن لوڈ کے لیے پیش کی جا چکی ہے۔

مزید : علاقائی /اسلام آباد