فوڈ اتھارٹی کی کارروائی‘ 1 ہزار لیٹر مضر صحت خوردنی تیل برآمد 

فوڈ اتھارٹی کی کارروائی‘ 1 ہزار لیٹر مضر صحت خوردنی تیل برآمد 

  

پشاور(سٹی رپورٹر) خیبرپختونخوا فوڈ سیفٹی اتھارٹی نے پشاور کے علاقے پھندو روڈ پر کاروائی کرتے ہوئے ایک یونٹ سے 1 ہزار لٹر سے زائد استعمال شدہ خوردنی تیل برآمد کرلیا۔ خوردنی تیل کو شہر میں مختلف بیکریوں اور سویٹس یونٹس کو سپلائی کیا جاتا تھا۔ یونٹ میں استعمال شدہ خوردنی تیل کو پنجاب سے لانے کے بعد فلٹر کیا جاتا تھا۔ کاروائی ڈائریکٹر جنرل خیبرپختونخو فوڈ سیفٹی اتھارٹی شاہ رخ علی خان کی ہدایت پر کی گئی، جس کے دوران مضر صحت استعمال شدہ خوردنی تیل کی دوبارہ مارکیٹ میں فروخت کرنے پر  یونٹ سیل کردیا گیا، جبکہ ملوث افراد کے خلاف سخت قانونی کاروائی کی جائیگی۔ فوڈ سیفٹی اتھارٹی چارسدہ روڈ پر بھی خوراک سے وابستہ مختلف کاروباروں کا جائزہ لیا گیا، انسپکشن کے دوران مصالحہ جات میں مضر  صحت رنگوں کے استعمال پر ایک یونٹ کو سیل کردیا گیا۔  کاروائی میں 200 کلو سے زائد مصالحہ جات کرلئے گئے، جبکہ یونٹ کو سیل کردیا گیا۔ فوڈ سیفٹی اتھارٹی کے مطابق پشاور کے علاقے ٹاون تھری میں  حفظان صحت کے اصولوں کی خلاف ورزی پر تین بیکری یونٹ سیل کردئے گئے۔ ملاوٹ اور حفظان صحت کے اصولوں کی خلاف ورزی کرنے والوں کے خلاف سخت قانونی کاروائی ہوگی۔ ڈی جی دو سیفٹی اتھارٹی شاہ رخ علی خان کے مطابق وزیر خوراک خیبرپختونخوا عاطف خان کی ہدایت پر صوبے بھر میں ملاوٹ مافیا کے خلاف کاروائیوں کا سلسلہ جاری ہے۔ صحت عامہ کو نقصان پہنچانے والے گھناونے عمل سے باز رہے بصورت دیگر ان کے خلاف سخت قانونی کاروائی کی جائیگی۔

مزید :

پشاورصفحہ آخر -