محکمہ کسٹم میں کروڑوں کی کرپشن کرنیوالے 9اہلکار گرفتار
لاہور(کرائم رپورٹر)صوبائی دارالحکومت میں نیب نے محکمہ کسٹم میں کروڑوں کی کرپشن کرنے والے 9اہلکار وں کوگرفتار کرلیااوران کی تفتیش جاری ہے۔ذرائع کے مطابق محکمہ نیب نے کسٹم میں کروڑوں روپے کی کرپشن پر کاروائی کرتے ہوئے پان پتی کی درآمد و فروخت کی کرپشن میں ملوث محکمہ کسٹم کے 9 اہلکار گرفتار ملزمان میں ریحان الٰہی, شاہد حسین, عبدالخالق, محمد سعید, خیرات علی, غلام مرتضٰی, محمد شکیل, محمد فیاض اور راشد یعقوب شامل ہیں ملزمان آپس کی ملی بھگت سے کسٹم ڈیوٹی کی مد میں کروڑوں روپے کا غبن کرتے رہے ہیں۔کسٹم ڈیوٹی میں کرپشن کی شکایت پرملزمان کے خلاف نیب لاہور نے 2016 میں تحقیقات کا آغاز کیا۔صرف چند ماہ کے ڈیٹا اسسمنٹ پر لاکھوں روپے کے غبن کا انکشاف ہونے پر تحقیقات کا حجم بڑھا دیا گیاہے ملزمان پان پتی درآمدی واؤچر پر وزن انتہائی کم انٹری کرتے ہوئے ملکی خزانے کو کروڑوں کا نقصان پہنچایاتھانیب لاہور نے بڑی کارروائی کرتے ہوئے 9 ملزمان کو اکھٹے گرفتار کرلیابعدازاں ملزمان کو گرفتاری کے بعد احتساب عدالت کے روبرو پیش کر دیا گیاجہاں پرجسمانی ریمانڈ کے حصول پر تحقیقات کو مزیدآگے بڑہایا جائیگا جس میں ملوث مزید ملزمان کی گرفتاری کا قوی امکان ہے۔
