یاسین ملک کو ویڈیو کانفرنسنگ کے ذریعے جموں کی ٹاڈا عدالت کے سامنے پیش کیا گیا

  یاسین ملک کو ویڈیو کانفرنسنگ کے ذریعے جموں کی ٹاڈا عدالت کے سامنے پیش کیا ...

  



نئی دلی(این این آئی)نئی دلی کی بدنام زمانہ تہاڑ جیل میں غیر قانونی طور پر نظر بند جموں وکشمیر لبریشن فرنٹ کے چیئرمین محمد یاسین ملک کو ایک پرانے جھوٹے مقدمے میں ویڈیو کانفرنسنگ کے ذریعے جموں کی تاڈا عدالت میں پیش کیا گیا۔ کشمیر میڈیاسروس کے مطابق بھارتی سینٹرل بیورو آف انویسٹی گیشن کے ایک سینئر افسر نے ذرائع ابلاغ کے نمائندوں کو بتایا کہ محمد یاسین ملک کی ویڈیو کانفرنسنگ کے دران عدالت میں پہلی پیشی کے دوران ان پرقائم مقدمے کے بارے میں دلائل دیے گئے۔ انہوں نے کہا کہ مقدمے کی آئندہ سماعت اگلے ماہ رکھی گئی ہے جس میں مزید دلائل دیے جائیں گے۔محمد یاسین ملک کو رواں برس 22فروری کو سرینگر میں گھر سے گرفتار کرنے کے بعدکالے قانون پبلک سیفٹی ایکٹ کے تحت جموں خطے کی کوٹ بھلوال جیل میں منتقل کیا گیا تھا .

یاسین ملک

مزید : صفحہ اول