کاروان کے دروازے سب کیلئے کھلے ہیں‘ معین الدین
ٹانک(نمائندہ خصوصی)جنوبی وزیرستان: نواز پارک میں کاروان قیوم شیر محسود کی اہم میٹنگ منعقد کی گئی جس میں برگیڈئیر رقیوم شیر محسود کے بیٹے شمیل خان سمیت تحصیل لدھا، سراروغہ، مکین، سرویکئی میں کاروان کے زمہ داروں نے شرکت کی، میٹنگ میں آئیندہ ہونے والے بلدیاتی انتخابات، کاروان کی سرگرمیوں، سیاسی صورت حال، تحصیل چئیرمین اور ہر ویلج کونسل پر امیدواروں کو حتمی شکل دینے پر مشاورت کی گئی۔ کاروان قیوم شیر محسود کابینہ ممبران میں جاوید محسود، معین الدین عبدلائی، صوبیدار شیرآباغ وزیرگائی، محسن شابی خیل، ولی گارڑائی، شفقت گارڑائی،علی نواز وزیرگائی، قادر زلولخیل سمیت تحصیل لدھا میں کڑم گارڑائی سے تعلق رکھنے والے مشران لیاقت علی خان گارڑائی اور ملک میر ولی خان گارڑائی نے بھی شرکت کی۔ میٹنگ میں متفقہ طور پر فیصلہ کیا گیا کہ آئیندہ میٹنگ تک تحصیل اور ویلج کونسلز کی سطح پر امیدواروں کی فہرست فائنل کی جائے گی اور باقائدہ طور پر الیکشن کمپین کا آغاز کیا جائے گا۔ کاروان قیوم شیر محسود کے سرکردہ رہنما جاوید گلیشائی کا کہنا تھا کہ کاروان نے ابھی تک کسی بھی سیاسی جماعت کے ساتھ اتحاد کے بارے میں نہیں سوچھا بلکہ وہ دوسرے سیاسی جماعتوں کے لوگوں کو بھی اپنی صف میں شامل کرنے کے لیے ایک وفد بنائیں گے تاکہ سب کو کاروان قیوم شیر محسود کے جھنڈے تلے ایک پڑھی لکھی اور مخلص قیادت کے لیے آمادہ کیا جاسکے۔معین الدین عبدلائی نے واضح کیا کہ کاروان کے بارے میں افواہیں بے بنیاد ہیں، کاروان نے کسی سیاسی جماعت کی حمایت کا اعلان نہیں کیا محسن شابی خیل کا کہنا تھا کہ کاروان کے دروازے سب کے لیے کھلے ہیں ہماری کسی کے ساتھ کوئی زاتی دشمنی نہیں ہے بلکہ وزیرستان کی ترقی کے لیے سب کو ساتھ لے کر چلنے میں خوشی ہوگی۔
